குழித்துறை நீதிமன்றம் அருகேயுள்ள ஸ்ரீ தா்ம சாஸ்தா கோயிலை இடித்து அகற்ற எதிா்ப்பு தெரிவித்து இந்து இயக்கங்களின் நிா்வாகிகள் வியாழக்கிழமை திரண்டதால் பரபரப்பு ஏற்பட்டது.
குழித்துறை நீதிமன்றம் அருகேயுள்ள, 120 ஆண்டுகள் பழைமையான இக்கோயிலில் பக்தா்கள் நாள்தோறும் வழிபாடு நடத்திவருகின்றனா். இதனிடையே, இக்கோயில் உள்ளிட்ட சாலையோரமுள்ள சில கோயில்களை அகற்ற வேண்டும் என, 2018ஆம் ஆண்டு நீதிமன்றத்தில் வழக்குரைஞா் ஒருவா் வழக்குத் தொடா்ந்தாா். அதனடிப்படையில், வியாழக்கிழமைக்குள் (ஜன. 30) கோயிலை இடிக்க அகற்ற குழித்துறை நகராட்சி நிா்வாகம் முடிவு செய்துள்ளதாக, கோயில் நிா்வாகிகளுக்கு தகவல் கிடைத்ததாம்.
அதையடுத்து, இந்து முன்னணி கோட்டப் பொறுப்பாளா் மிசா சி. சோமன், மாநில செயற்குழு உறுப்பினா் குழிச்சல் செல்லன், மேல்புறம் ஒன்றியத் தலைவா் ராஜன், குழித்துறை நகரத் தலைவா் வினுகுமாா், குமரி மேற்கு மாவட்ட பாஜக தலைவா் சுரேஷ், இந்துக் கோயில் கூட்டமைப்பு அமைப்பாளா் முருகன், கோயில் தலைவா் சதீஷ்குமாா், இந்து இயக்க நிா்வாகிகள், பக்தா்கள் வியாழக்கிழமை திரண்டனா். கோயிலில் சிறப்பு யாகம், பூஜைகள், திருவாசகம் பாராயணம், பஜனை உள்ளிட்டவை நடைபெற்றன. அப்பகுதியில் அசம்பாவிதவிதங்கள் ஏற்பாடமலிருக்க போலீஸ் பாதுகாப்பு போடப்பட்டுள்ளது.
