ஆம்பூா் பகுதி கோயில்களில் கந்த சஷ்டி சூரசம்ஹார விழா வியாழக்கிழமை நடைபெற்றது.
ஆம்பூா் சமயவல்லி தாயாா் உடனுறை சுயம்பு ஸ்ரீ நாகநாத சுவாமி கோயிலில் வள்ளி, தெய்வானை சமேத முருகப் பெருமானுக்கு சிறப்பு அபிஷேக, அலங்காரம் நடைபெற்றது. முருகப் பெருமான் அன்னையிடம் வேல் வாங்கி சூரசம்ஹாரத்துக்காக சென்றாா். கோயில் திடலில் சூரசம்ஹார நிகழ்ச்சி நடைபெற்றது. சூரசம்ஹாரத்தை தொடா்ந்து மயில் வாகனத்தில் முருகப் பெருமான் பிரகார உலா நடைபெற்றது.
ஆம்பூா் ஏ-கஸ்பா செல்வ விநாயகா் கோயிலில் சூரசம்ஹார நிகழ்ச்சி நடைபெற்றது. மேல்கிருஷ்ணாபுரம் பள்ளத் தெரு சுப்பிரமணிய சுவாமி கோயிலில் சூரசம்ஹார நிகழ்ச்சி நடைபெற்றது. இதில், திரளான பக்தா்கள் கலந்து கொண்டு தரிசனம் செய்தனா்.
திருக்கல்யாண உற்சவம்: நாகநாத சுவாமி கோயில், ஏ-கஸ்பா செல்வ விநாயகா் கோயில்களில் இன்று (நவ. 8) இரவு 7.30 மணிக்கு முருகப் பெருமான் திருக்கல்யாண வைபவம் நடைபெற உள்ளது.
