விண்ணப்பித்துவிட்டீர்களா..?: செயில் நிறுவனத்தில் டெக்னிக்கல் உதவியாளர் பணி!
ஆளுநா் அரசியல்வாதியாக மாறி நாங்கள் எதைச் செய்தாலும் குறை கூறுகிறாா் என்று அமைச்சா் எ.வ.வேலு தெரிவித்தாா்.
கோவை காந்திபுரத்தில் நடைபெற்று வரும் பெரியாா் நூலகம் மற்றும் அறிவுசாா் மையக் கட்டுமானப் பணிகளை பொதுப்பணித் துறை அமைச்சா் எ.வ.வேலு வியாழக்கிழமை ஆய்வு செய்தாா்.
பின்னா், அவா் செய்தியாளா்களிடம் கூறியதாவது:
கோவையில் அமைக்கப்பட்டு வரும் பெரியாா் ஈவெரா நூலகம் 2026 ஜனவரியில் திறக்கப்படும் என முதல்வா் மு.க.ஸ்டாலின் அறிவித்ததன்படி, இலக்கு நிா்ணயிக்கப்பட்டு பணிகள் வேகமாக நடைபெற்று வருகின்றன. ரூ.300 கோடி மதிப்பீட்டில் 7 தளங்களுடன் அமைக்கப்படும் இந்த நூலகத்தில் ஒரு லட்சம் புத்தகங்களை வைக்க முடியும்.
தமிழ்நாட்டில் 66 ஆயிரம் கிலோ மீட்டா் சாலைகள் நெடுஞ்சாலைத் துறை கட்டுப்பாட்டில் உள்ளன. ஒரே ஆண்டில் அனைத்துப் பணிகளையும் செய்ய முடியாது. ஒன்றன்பின் ஒன்றாக பணிகள் மேற்கொள்ளப்பட்டு வருகின்றன.
ஆளுநா், ஆளுநராக இருந்து பணியாற்றினால் மாநிலம், மக்கள் என அனைவருக்கும் சிறப்பு. ஆளுநா் அரசியல்வாதியாக மாறி நாங்கள் எதைச் செய்தாலும் பாராட்ட மனமில்லாமல் ஏதாவது குறை கூறுகிறாா் என்றாா்.
இந்த ஆய்வின்போது, பொதுப்பணித் துறை கூடுதல் தலைமைச் செயலாளா் மங்கத் ராம் சா்மா, ஆட்சியா் கிராந்திகுமாா் பாடி, மேயா் கா.ரங்கநாயகி, மாநகராட்சி ஆணையா் மா.சிவகுரு பிரபாகரன் உள்ளிட்டோா் உடனிருந்தனா்.
