2025 ஆம் ஆண்டுக்கான மகளிர் ஆஷஸ் தொடருக்கு இங்கிலாந்து அணி அறிவிக்கப்பட்டுள்ளது. அனைத்துவித போட்டிகளுக்கும் ஹீதர் நைட் கேப்டனாக நியமிக்கப்பட்டுள்ளார்.
ஆஸ்திரேலியாவில் சுற்றுப்பயணம் மேற்கொள்ளும் இங்கிலாந்து அணி 3 டி20, 3 ஒருநாள் மற்றும் 4 நாள் டெஸ்ட் போட்டியில் விளையாடவிருக்கிறது.
ஜனவரி 2 ஆம் தேதி ஆஸ்திரேலியா செல்லும் இங்கிலாந்து அணி ஜனவரி 9 ஆம் தேதி ஆளுநர் லெவன் அணிக்கு எதிரான பயிற்சி ஆட்டத்தில் விளையாடுகிறது.
டி20 போட்டிகள் சிட்னி, கான்பெரா, அடிலெய்ட் மைதானங்களிலும், ஒருநாள் போட்டிகள் சிட்னி, மெல்போர்ன், ஹோபர்ட் ஆகிய மைதானங்களிலும் நடைபெறுகிறது. 4 நாள்கள் கொண்ட பகலிரவு டெஸ்ட் போட்டி மெல்போர்ன் மைதானத்தில் நடைபெறவிருக்கிறது.
ஆல்-ரவுண்டர் ஃப்ரெயா கெம்ப், சுழற்பந்துவீச்சாளர் லின்சே ஸ்மித் மற்றும் விக்கெட் கீப்பர் - பேட்டர் பெஸ் ஹீத் ஆகியோர் முதல் முறையாக ஆஷஸ் தொடருக்கான அணிக்கு அழைக்கப்பட்டுள்ளனர்.
தென்னாப்பிரிக்க சுற்றுப்பயணத்தில் காயத்தால் விலகிய பந்துவீச்சாளர் மஹிகா கௌர் அணிக்குத் திரும்புவார் என்று எதிர்பார்க்கப்படுகிறது.
இங்கிலாந்து மகளிர் ஒருநாள் அணி
ஹீதர் நைட் (கேப்டன்ட்), டாமி பியூமண்ட், லாரன் பெல், மையா பௌச்சியர், ஆலிஸ் கேப்ஸி, கேட் கிராஸ், சார்லி டீன், சோபியா டங்க்லி, சோஃபி எக்லெஸ்டோன், லாரன் ஃபைலர், சாரா க்ளென், எமி ஜோன்ஸ், நாட் ஸ்கிவர்-ப்ரண்ட், டேனி வியாட்-ஹாட்ஜ்.
இங்கிலாந்து டி20 அணி
ஹீதர் நைட் (கேப்டன்),லாரன் பெல், மையா பௌச்சியர், ஆலிஸ் கேப்ஸி, சார்லி டீன், சோபியா டங்க்லி, சோஃபி எக்லெஸ்டோன், லாரன் ஃபைலர், டேனியல் கிப்சன், சாரா க்ளென், பெஸ் ஹீத், எமி ஜோன்ஸ், ஃப்ரேயா கெம்ப், லின்சி ஸ்மித், நாட் ஸ்கிவர்-ப்ரண்ட், டேனி வியாட்-ஹாட்ஜ்.
இங்கிலாந்து டெஸ்ட் அணி
ஹீதர் நைட்(கேப்டன்), டாமி பியூமண்ட், லாரன் பெல், மையா பௌச்சியர், கேட் கிராஸ், சார்லி டீன், சோபியா டங்க்லி, சோஃபி எக்லெஸ்டோன், லாரன் ஃபைலர், பெஸ் ஹீத், எமி ஜோன்ஸ், ரியானா மெக்டொனால்ட்-கே, நாட் ஸ்கிவர்-ப்ரண்ட், டேனி வியாட்-ஹாட்ஜ்.
