செய்திகள் :

"ஆஸி பவுலர்களின் பாணி தெரியும்; இதைச் செய்தால் வெற்றி நிச்சயம்" - அரையிறுதிக்கு முன் ஷபாலி உறுதி

post image

நடப்பு மகளிர் உலகக் கோப்பையில் நேற்று நடைபெற்ற முதல் அரையிறுதிப் போட்டியில் இங்கிலாந்தை வீழ்த்தி தென்னாப்பிரிக்கா இறுதிப்போட்டிக்கு முன்னேறியிருக்கிறது.

இன்று இரண்டாவது அரையிறுதிப் போட்டியில் ஆஸ்திரேலியாவை இந்தியா எதிர்கொள்கிறது.

இந்த நிலையில், கணுக்கால் காயம் காரணமாகத் தொடரிலிருந்து வெளியேறிய முக்கிய வீராங்கனை பிரதிகா ராவலுக்குப் பதில் அணியில் சேர்க்கப்பட்டிருக்கும் அதிரடி வீராங்கனை ஷபாலி வர்மா, ஆஸ்திரேலியாவுக்கெதிராகப் பலமுறை விளையாடியிருப்பதாகவும், அவர்களின் பாணி தனக்குத் தெரியும் என்றும் கூறியிருக்கிறார்.

India vs australia - women's world cup semi final
India vs australia - women's world cup semi final

போட்டி நடைபெறும் நவிமும்பையில் செய்தியாளர்கள் சந்திப்பில் பேசிய ஷபாலி வர்மா, ``பிரதிகாவுக்கு நடந்தது ஒரு விளையாட்டு வீராங்கனையாகப் பார்க்கும்போது நன்றாக இல்லை. எந்த வீராங்கனையும் இதுபோன்ற காயத்தை விரும்புவதில்லை.

அதே சமயம், அணியுடன் இணைந்ததை நல்ல வாய்ப்பாகப் பார்க்கிறேன். விளையாட வாய்ப்பு கிடைத்தால், என்னால் முடிந்ததைச் செய்வேன்.

ஆஸ்திரேலியாவுக்கு எதிராகப் பல முறை நான் விளையாடியிருக்கிறேன். எனவே, இது எனக்குப் புதிதல்ல.

ஆஸ்திரேலிய பவுலர்களின் பாணியை நான் அறிவேன். அவர்கள் கடுமையாக எதிர்ப்பார்கள். ஆனால், அதற்கு நாங்கள் நிறையவே தயாராகிவிட்டோம்.

நாங்கள் சிறப்பாகச் செயல்படுவோம் என்று நம்புகிறோம். அதில்தான் கவனம் செலுத்துகிறோம். அப்படிச் செய்தால் நிச்சயமாக, நாங்கள் வெற்றி பெறுவோம்.

பேட்டிங்கில் நாங்கள் தொடக்க விக்கெட்டுகளை இழக்கவில்லை என்றால், அவர்கள் தங்கள் மீதான அழுத்தத்தை உணரத் தொடங்குவார்கள் என்பது எனக்குத் தெரியும்.

Shafali Verma - ஷபாலி வர்மா
Shafali Verma - ஷபாலி வர்மா

அதேபோல், பவுலிங்கில் நல்ல லென்த்தை கடைப்பிடிக்க முயல்வோம். பதட்டமில்லாமல் இருந்தாலே சிறப்பாகச் செயல்படுவோம்.

சின்ன, சின்ன விஷயங்களில் எங்களை நாங்களே ஆதரித்து போட்டியை எளிமையாக வைத்திருப்போம்" என்று நம்பிக்கையோடு கூறினார்.

21 வயதாகும் ஷபாலி வர்மா ஏற்கெனவே இரண்டு டி20 உலகக் கோப்பை, ஒருநாள் உலகக் கோப்பை ஒன்றில் ஆடிவிட்டதால் பெரிய தொடர் என்ற பதட்டமில்லாமல் அவர் ஆடக்கூடும்.

அதோடு, ஒருநாள் கிரிக்கெட்டில் ஓராண்டாக இந்திய அணியில் இடம்பெறவில்லை என்றாலும், நடப்பு உள்நாட்டு டி20 தொடரில் 56.83 ஆவரேஜில், 180 ஸ்ட்ரைக் ரேட்டில் 341 ரன்களைக் குவித்துள்ளதால் இன்றைய போட்டியில் பிளெயிங் லெவனில் களமிறங்க வாய்ப்பு கிடைத்தால் நிச்சயம் அணிக்குத் தேவையான ரன்களை அடித்துக்கொடுப்பார் என்று எதிர்பார்க்கலாம்.

அப்பாவின் கனவை நிறைவேற்றப் பிறந்த தேவதை; பிரதிகா எனும் போராட்டக்காரி சாதித்த கதை

ஒரு இந்தியப் பெண் கிரிக்கெட்டைத் தன் கனவாகத் தேர்ந்தெடுக்கும்போது, அவள் எதிர்கொள்வது வெறும் பந்துகளை மட்டுமல்ல சமூகத்தின் பார்வைகள், குடும்பத்தின் எதிர்பார்ப்புகள், பொருளாதாரச் சுமைகள், மற்றும் தன்னம்... மேலும் பார்க்க

சாதம் ரூ.318; சீஸ்கேக் ரூ.748 - விராட் கோலி உணவகத்தின் விலைப் பட்டியல்

இந்திய கிரிக்கெட் அணியின் நட்சத்திர வீரர் விராட் கோலி, கிரிக்கெட் மட்டுமின்றி பிசினஸிலும் அதிக கவனம் செலுத்தி வருகிறார். அந்தவகையில் ‘One8 Commune’ என்ற உணவகத்தையும் நடத்தி வருகிறார். இந்த உணவகத்தை கோ... மேலும் பார்க்க

`கிரிக்கெட்ல இந்த சம்பவம் நடந்து 20 வருஷம் ஆச்சு’ குறைந்த இன்னிங்ஸில் நம்பர் 1 இடத்தை பிடித்த இளைஞன்

பிசிசிஐ-யின் சமீபகால செயல்பாடுகள் காரணமாக 2027 உலகக் கோப்பையில் ரோஹித், கோலி ஆகிய இருவரும் இந்திய அணியில் இடம்பெறுவார்களா என்ற கேள்வியை ரசிகர்கள் தொடர்ச்சியாக எழுப்பிய வண்ணம் வருகின்றனர்.தேர்வுக்கு கு... மேலும் பார்க்க

Shreyas Iyer: ``நான் குணமாகி வருகிறேன்'' - உடல்நிலை குறித்து ஸ்ரேயஸ் ஐயர்

ஆஸ்திரேலிய அணிக்கு எதிரான 3-வது ஒருநாள் போட்டியின் போது இந்திய அணியின் துணைக் கேப்டன் ஸ்ரேயஸ் ஐயருக்கு, அலெக்ஸ் கேரி அடித்த பந்தை கேட்ச் பிடிக்க முயன்றபோது விலா எலும்பில் பலத்த காயம் ஏற்பட்டது. இந்தக்... மேலும் பார்க்க

ICC Women's World Cup: 169 ரன்கள் குவித்த லாரா வோல்வார்ட்; இறுதிப்போட்டிக்குள் தென்னாப்பிரிக்கா!

இங்கிலாந்து - தென்னாப்பிரிக்கா அணிகள் மோதிய ஐசிசி மகளிர் உலகக் கோப்பை அரையிறுதிப் போட்டி குவாஹாத்தியில் உள்ள பார்சபரா கிரிக்கெட் மைதானத்தில் நடைபெற்றது.125 ரன்கள் வித்தியாசத்தில் வெற்றி பெற்று இறுதிப்... மேலும் பார்க்க

டிரேடிங்கில் CSK வருகிறாரா வாஷிங்டன் சுந்தர்? - அஸ்வின் பகிர்ந்த தகவல்!

வருகின்ற ஐபிஎல் சீசன் சென்னை சூப்பர் கிங்ஸ் அணிக்கு மிகவும் முக்கியமானதாக உள்ளது. மிகப் பெரிய தோல்வியில் இருந்து அணியை மீட்டெடுக்க நிர்வாகம் சில முக்கிய மாற்றங்களை மேற்கொள்வதாகத் தகவல்கள் வந்திருக்கின... மேலும் பார்க்க