பெருந்துறை அருகே இருசக்கர வாகனத்தில் சென்ற பெண்ணிடம் 5 பவுன் தாலிக்கொடியை பறித்துச் சென்ற நபா்களை போலீஸாா் தேடி வருகின்றனா்.
ஈரோடு, குமலன்குட்டை, செல்லபண்ணகவுண்டா் வீதியைச் சோ்ந்தவா் ராஜேந்திரன் (52). ஜவுளிக் கடையில் பணியாற்றி வருகிறாா். இவரது மனைவி சித்ரா (43).
ராஜேந்திரனின் அண்ணன் கோவிந்தசாமி (60). இவரது மனைவி பூங்கொடி (50). தம்பதிகள் தனித்தனி இருசக்கர வாகனங்களில் பெருந்துறையில் நடைபெற்ற உறவினா் இல்ல திருமண விழாவுக்கு ஞாயிற்றுக்கிழமை சென்று கொண்டிருந்துள்ளனா்.
பெருந்துறை- காஞ்சிகோவில் சாலை எல்லைமேடு அருகே சென்றபோது, ராஜேந்திரனின் இருசக்கர வாகனத்தை பின்தொடா்ந்து தலைக் கவசம் அணிந்துவந்த இருவா், சித்ராவின் கழுத்தில் அணிந்திருந்த ஐந்தரை பவுன் தாலிக்கொடியை பறித்துள்ளனா். அவா் கொடியை இறுகப்பிடித்துள்ளாா்.
இதில், மாங்கல்யம் மட்டும் சித்ரா கையில் சிக்கிக்கொண்ட நிலையில், 5 பவுன் தாலிக்கொடியை அந்த நபா்கள் பறித்துக்கொண்டு தப்பினா்.
இவா்களுக்கு, பின்னால் இருசக்கர வாகனத்தில் வந்த பூங்கொடியிடம் முதலில் தாலிக்கொடியைப் பறிக்க முயன்றுள்ளனா். அவா், சுதாரித்துக்கொண்டதால், சித்ராவிடம் கைவரிசையைக் காட்டியுள்ளனா்.
இது குறித்து பெருந்துறை காவல் நிலையத்தில் ராஜேந்திரன் அளித்த புகாரின்பேரில் போலீஸாா் வழக்குப் பதிவு செய்து விசாரணை நடத்தி வருகின்றனா்.
