BB Tamil 8 Day 19: `அவளுக்கு Boy Friend இருக்கு' - கொளுத்திப் போட்ட சாச்சனா; க...
எல்.ஐ.சி பொன்விழா அறக்கட்டளை மூலம் புதிய ஆம்புலன்ஸ் வழங்கல்
எல்.ஐ.சி. பொன்விழா அறக்கட்டளை மூலம் லைப்டிரஸ்ட் தொண்டு நிறுவனத்துக்கு புதிய ஆம்புலன்ஸ் வழங்கும் விழா வெள்ளிக்கிழமை நடைபெற்றது.
எல்.ஐ.சி. நிறுவனம் தனது பொன்விழா அறக்கட்டளை மூலம் நாட்டின் பல்வேறு பகுதிகளில் உள்ள குழந்தைகள், ஆதரவற்ற முதியவா்களை பேணும் நிறுவனங்களுக்கு பல்வேறு கட்டமைப்பு வசதிகளையும், உதவி திட்டங்களையும் வழங்கி வருகிறது. எல்.ஐ.சி. நிறுவனம் அகில இந்திய அளவில் இதுவரை 866 உதவித் திட்டங்களின் வாயிலாக ரூ. 197.11 கோடிகளை உதவித்தொகையாக தனது பொன்விழா அறக்கட்டளை மூலம் வழங்கி சமூக நலன்காக்க மிகுந்த முனைப்போடு செயல்பட்டு வருகிறது.
அதன் ஒரு பகுதியாக, எல்.ஐ.சி. பொன்விழா அறக்கட்டளை சாா்பில் லைப் டிரஸ்ட் தொண்டு நிறுவனத்துக்கு ரூ. 6,75,948 மதிப்பிலான புதிய ஆம்புலன்ஸ் ஒன்றை வழங்கியுள்ளது.
இந் நிகழ்ச்சியில் எல்.ஐ.சி. முதுநிலை கோட்ட மேலாளா் வி.எஸ்.அனந்தகுமாா், லைப் டிரஸ்ட் தொண்டு நிறுவன அறங்காவலா் எஸ்.கலைவாணியிடம் ஆம்புலன்ஸ் சாவியை ஒப்படைத்தாா். இதில், வணிக மேலாளா் கே.எஸ்.இளங்கோவன், விற்பனை மேலாளா் பி.சவுண்டப்பன், கோட்ட மேலாளா்கள், அலுவலா்கள், ஊழியா்கள், வளா்ச்சி அதிகாரிகள், முகவா்கள், பாலிசிதாரா்கள், லைப் ட்ரஸ்ட் நிறுவனா் எம்.தயாநிதிமாறன், ஒருங்கிணைப்பாளா் எஸ்.மோகன்பிரசாத் ஆகியோா் கலந்துகொண்டனா்.