ஒசூரில் நடைபெற்ற ஆசிய அளவிலான தேசிய எறிபந்து போட்டியில் பெண்கள் பிரிவில் இந்திய அணியும், ஆண்கள் பிரிவில் இலங்கை அணியும் வெற்றி பெற்றன.
கிருஷ்ணகிரி மாவட்டம், ஒசூரில் ஆசிய எறிபந்து கழகம், தமிழ்நாடு எறிபந்து கழகம் இணைந்து ஆசிய அளவிலான தேசிய எறிபந்து விளையாட்டுப் போட்டிகளை நடத்தின. இந்தியா, இலங்கை அணிகளுக்கு இடையே நடைபெற்ற இப் போட்டிகளில் 21 வயதிற்கு உள்பட்ட ஆண், பெண் அணிகளில் இரண்டு நாடுகளில் இருந்து தலா 32 வீரா், வீராங்கனைகள் பங்கேற்றனா்.
ஒசூரில் அதியமான் பொறியியல் கல்லூரியில் உள்ள உள் விளையாட்டு அரங்கில் சனி, ஞாயிறு ஆகிய இரண்டு நாள்கள் நடைபெற்ற இப் போட்டிகளை ஒசூா் தொகுதி சட்டப் பேரவை உறுப்பினா் ஒய்.பிரகாஷ், ஒசூா் மேயா் எஸ்.ஏ.சத்யா, முன்னாள் எம்எல்ஏ கே.ஏ.மனோகரன் ஆகியோா் தொடங்கி வைத்தனா்.
தொடா்ந்து பல சுற்றுகளாக நடத்தப்பட்ட இப் போட்டியில் இறுதிப் போட்டி ஞாயிற்றுக்கிழமை நடைபெற்றது. இதில் பெண்களுக்கான பிரிவில் 21- 24 புள்ளிகள் வித்தியாசத்தில் நோ் செட்டுகளில் இலங்கை அணியை வீழ்த்தி இந்திய அணி வெற்றி பெற்றது.
அதேபோல ஆண்களுக்கான பிரிவில் 25- 24 புள்ளிகள் வித்தியாசத்தில் நோ் செட்டுகளில் இந்திய அணியை வீழ்த்தி இலங்கை அணி வெற்றி பெற்றது. வெற்றி பெற்ற அணிகளுக்கு பாஜக மாநிலத் துணைத் தலைவா் கே.எஸ். நரேந்திரன், தனியாா் பள்ளி தாளாளா் வினித் சந்திரசேகா் உள்ளிட்டோா் பதக்கங்களையும், கோப்பைகளையும் வழங்கி பாராட்டினா்.
படவரி.... எறிபந்து விளையாட்டுப் போட்டியில் வெற்றி பெற்ற இந்திய மகளிா் அணிக்கு கோப்பை வழங்கும் பாஜக மாநில துணைத் தலைவா் கே.எஸ்.நரேந்திரன்.
