ஒருதலைக் காதல்: தஞ்சை அரசுப் பள்ளியில் ஆசிரியை குத்திக்கொலை

தஞ்சாவூர் மாவட்டம் மல்லிப்பட்டினம் பகுதியில் இயங்கி வரும் அரசுப் பள்ளியில் பணியாற்றி வந்த ஆசிரியை ரமணி 23) குத்திக்கொலை செய்யப்பட்டார்.

அரசுப் பள்ளி ஆசிரியராக இருக்கும் ரமணியை ஒருதலையாக காதலித்து வந்த மதன்குமார் ஆத்திரத்தில் இந்த வெறிச்செயலில் ஈடுபட்டதாகக் கூறப்படுகிறது.

தஞ்சாவூர் மாவட்டம் மல்லிப்பட்டினம் பகுதியில் இயங்கி வரும் அரசுப் பள்ளிக்கு வந்த மதன்குமார், தான் கையில் மறைத்து வைத்திருந்த கத்தியால், ஆசிரியர் ரமணியின் கழுத்தில் குத்திக் கொலை செய்திருக்கிறார். சம்பவ இடத்திலேயே ரமணி பலியானதாகவும், கொலை செய்த மதன்குமாரை காவல்துறையினர் கைது செய்து விசாரணை நடத்தி வருவதாகவும் தகவல்கள் தெரிவிக்கின்றன.

ரமணியை ஒருதலையாகக் காதலித்து வந்த மதன்குமாருக்கு, பெண் தர, ரமணியின் பெற்றோர் மறுத்துவிட்டதால், ஆத்திரத்தில் இந்தக் கொலையை செய்ததாக முதற்கட்ட விசாரணையில் தெரிய வந்திருப்பதாகக் கூறப்படுகிறது.