வடமேற்குப் பாகிஸ்தானில் உள்ள பாதுகாப்பு முகாம் மீது, வெடிமருந்துகளை ஏற்றி வந்த வாகனத்தைக்கொண்டு நிகழ்த்திய தற்கொலைப் படைத் தாக்குதலில் பாகிஸ்தான் ராணுவ வீரர்கள் 12 பேர் பலியாகினர்.
பைகர் பக்துன்க்வா மாகாணத்தில் உள்ள பன்னு என்ற இடத்தில் செவ்வாய்க்கிழமை மாலை இந்த தாக்குதல் நடத்தப்பட்டுள்ளது. தற்போதுதான் இந்த சம்பவம் தெரிய வந்துள்ளது.
இதுவரை பாகிஸ்தான் அரசு தரப்பிலிருந்து எந்த தகவலும் வெளியாகவில்லை. ஆனால், பாதுகாப்பு மற்றும் புலனாய்வு அதிகாரிகள் தற்கொலைப் படைத் தாக்குதலை உறுதி செய்திருக்கிறார்கள்.
இந்த சம்பவத்தில் தொடர்புடையவர்கள் மீது கடும் நடவடிக்கை எடுக்கப்படும் என்றும் தெரிவித்திருக்கிறார்கள்.
பாகிஸ்தானின் குவெட்டா ரயில் நிலையத்தில் நவ.9 ஆம் தேதி, ராணுவ வீரர்களைக் குறிவைத்து தற்கொலைப் படைத் தாக்குதல் நிகழ்த்தப்பட்டது குறிப்பிடத்தக்கது.
