ஒரே இளைஞர் இரு குடும்பங்களில் காணாமல் போன மகன் என்று சொல்லி சேர்ந்தது எப்படி?

டேஹ்ராடூன்; டேஹ்ராடூரன் மற்றும் காஸியாபாத் பகுதிகளில் வாழும் இரண்டு குடும்பங்களைச் சேர்ந்த இரண்டு சிறுவர்கள் பல ஆண்டுகளுக்கு முன்பு காணாமல் போன நிலையில், ஒரே நபர், இரண்டு குடும்பங்களிலும் மகன் என்று சொல்லி இணைந்திருப்பது தற்போது தெரிய வந்துள்ளது.

உண்மையில், அந்த நபர் யார், எவ்வாறு இரண்டு குடும்பங்களிலும் அவர் இணைந்தார் என்பது குறித்து இரு பகுதி காவல்துறையினரும் ஆராய்ந்து வருகிறார்கள்.

கிடைத்திருக்கும் அந்த இளைஞரின் அடையாளம் தெரியவில்லை. இவர் முதலில் டேஹ்ராடூனில் உள்ள குடும்பத்துடன் கடந்த ஜூலை மாதம் இணைந்துள்ளார். அவர்கள் வீட்டில் 16 ஆண்டுகளுக்கு முன்பு காணாமல் போன மோனு ஷர்மா என்று அடையாளம் கூறப்பட்டார். தான் காணாமல் போன போது யாரோ சிலர் ராஜஸ்தான் அழைத்துச் சென்றுவிட்டதாகக் கூறியிருந்தார்.

இதற்கிடையே, கடந்த சனிக்கிழமை அவர் காஸியாபாத்தில் உள்ள மற்றொரு குடும்பத்தில் சேர்ந்தார். அங்கு 30 ஆண்டுகளுக்க முன்பு காணாமல் போன பீம் சிங் என்று கூறியிருக்கிறார்.

இந்த நிலையில், ஆங்கில ஊடகத்தினர் இருவரும் ஒரே நபர்தான் என்பதை அடையாளம் கண்டு செய்தி வெளியிட்ட நிலையில், காஸியாபாத் காவல்துறையினர் அந்த நபரை பிடித்துச் சென்றிருக்கிறார்கள் விசாரணை நடத்த.