நாடாளுமன்ற வளாகத்தில் சபர்மதி ரிப்போர்ட் திரைப்படத்தை பிரதமர் மோடி திங்கள்கிழமை மாலை காண உள்ளார்.
இப்படத்தை காண்பதற்காக நாடாளுமன்ற நூலகக் கட்டடத்தில் உள்ள பால்யோகி ஆடிட்டோரியத்திற்கு அவர் செல்லவுள்ளதாக அதிகாரிகள் தெரிவித்தனர்.
கடந்த 2002-ம் ஆண்டு நிகழ்ந்த கோத்ரா ரயில் எரிப்பு சம்பவத்தை அடிப்படையாகக் கொண்டு பாலிவுட்டில் உருவாகியிருக்கும் திரைப்படம் ‘சபர்மதி ரிப்போர்ட்’.
இதில் விக்ராந்த் மாஸ்ஸி நாயகனாக நடித்துள்ளார். உடன் ராஷி கண்ணா, ரித்தி டோக்ரா நடித்துள்ளனர். படத்தை தீரஜ் சர்மா இயக்கியுள்ளார்.
உண்மை வெளிவருகிறது: பிரதமா் மோடி கோத்ரா ரயில் எரிப்பு சம்பவ திரைப்படம் குறித்து கருத்து
சோபா கபூர், ஏக்தா ஆர் கபூர், அமுல் வி மோகன், அன்சூல் மோகன் ஆகியோர் தயாரித்துள்ளனர். இந்தப் படம் நவம்பர் 15-ம் தேதி திரையரங்குகளில் வெளியானது.
முன்னதாக இப்படம் குறித்து அண்மையில் கருத்து தெரிவித்த பிரதமர் மோடி, ‘மக்கள் புரிந்துகொள்ளும் வகையில் உண்மை வெளிவருவது சிறப்பு’ என்று குறிப்பிட்டிருந்தார்.
