`ஒரே நாளில் 6% வீழ்ச்சி' கடும் சரிவில் தங்கம் விலை - என்ன காரணம்? இன்னும் குறையுமா?

தங்கம் விலை கற்பனைக்குக் கூட எட்டாத... ஜெட் வேகத்தைத் தாண்டி தொடர்ந்து அதிகரித்து வந்தது. வெள்ளி விலையும் அப்படித்தான்.

இந்த நிலையில், நேற்று சர்வதேச சந்தையில், தங்கம் விலை கடும் வீழ்ச்சியைக் கண்டுள்ளது.

நேற்று முன்தினம் (அக்டோபர் 20), சர்வதேச சந்தையில் ஒரு அவுன்ஸ் தங்கம் 4,357.79 டாலர்களுக்கு வர்த்தகம் ஆகி வந்தது.

இது கிட்டத்தட்ட 6 சதவிகித சரிந்து 4,124.35 டாலர்கள் என நேற்று வர்த்தகமாகியது. 2013-ம் ஆண்டிற்கு பிறகு, தங்கம் இப்படி ஒரு சரிவைப் பார்ப்பது இதுவே முதல் முறை.

வெள்ளியோ கடந்த 20-ம் தேதி ஒரு அவுன்ஸிற்கு 52.32 டாலர்கள் அளவிற்கு வர்த்தகமாகி வந்தது. நேற்றோ 48.75 டாலர்கள் என சரிந்துவிட்டது. இது கிட்டத்தட்ட 7 சதவிகித சரிவு. இது 2021-ம் ஆண்டுக்கு பிறகான, கடும் வீழ்ச்சி ஆகும்.

இந்தச் சரிவுகளுக்கு காரணம் என்ன?

தங்கம் விலை உயர்வால் முதலீட்டாளர்கள் பலர் தங்கத்தை விற்று ஃபிராஃபிட் டேக்கிங் பார்த்தனர்.

தற்போது அமெரிக்க டாலரின் மதிப்பு வலுப்பெற்றுள்ளது.

உலக அளவில், வர்த்தகங்கள் மற்றும் போர்கள் சற்று சமூக சூழல்களுக்கு நகர்ந்து வருகிறது.

தங்கம் விலை தற்போது கரெக்‌ஷனைப் பார்க்கிறது.

அமெரிக்கா தங்களது பணவீக்கம் மற்றும் வட்டி விகித தரவுகளை வெளியிட உள்ளது.

இந்தியா

இந்த விலை சரிவு நிச்சயம் இந்திய சந்தைகளிலும் எதிரொலிக்கும். இந்த விலைக் குறைவு தொடரும் என்று கூறமுடியாது. அது சர்வதேச சூழல்களைப் பொறுத்தே அமையும். ஆனால், இன்று தங்கம் விலை குறையும் என்பது உறுதி.