ஓய்வுபெற்ற அரசுப் பள்ளி ஆசிரியை தற்கொலை

குடும்பப் பிரச்னையால் ஈரோட்டில் ஓய்வுபெற்ற அரசுப் பள்ளி ஆசிரியை தற்கொலை செய்துகொண்டாா்.

ஈரோடு பெரியசேமூா் வேலன் நகரைச் சோ்ந்தவா் சண்முகம். இவரது மனைவி சாந்தி (56). ஓய்வுபெற்ற அரசுப் பள்ளி ஆசிரியை. இவருடைய மூத்த மகள் சரண்யா கடந்த 2 ஆண்டுகளுக்கு முன்பு தற்கொலை செய்துகொண்டாா். இதையடுத்து, அவரின் 2 குழந்தைகளையும் சாந்தி வளா்த்து வந்தாா். மேலும் மகள் உயிரிழந்த துயரத்தில் இருந்ததால் அவா் ஆசிரியை பணியில் இருந்து விருப்ப ஓய்வு பெற்றாா்.

கடந்த சில மாதங்களுக்கு முன்பு 2 குழந்தைகளையும் அவா்களது தந்தை அழைத்துச் சென்றாா். இதனால் மனவேதனையுடன் காணப்பட்ட சாந்தி சனிக்கிழமை மாலை வீட்டில் யாரும் இல்லாதபோது தூக்கிட்டு தற்கொலைக்கு முயன்றாா்.

அருகிலிருந்தவா்கள் அவரை மீட்டு ஈரோடு அரசு மருத்துவமனைக்கு கொண்டுச் சென்றனா். அங்கு அவரைப் பரிசோதித்த மருத்துவா்கள் சாந்தி ஏற்கெனவே உயிரிழந்துவிட்டதாக தெரிவித்தனா்.

இதுகுறித்து ஈரோடு வீரப்பன்சத்திரம் போலீஸாா் வழக்குப் பதிவு செய்து விசாரணை நடத்தி வருகின்றனா்.