கஞ்சா விற்ற வடமாநில சிறுவன் உள்பட 2 போ் கைது

கஞ்சா விற்பனையில் ஈடுபட்ட வடமாநிலத்தைச் சோ்ந்த சிறுவன் உள்பட 2 பேரை போலீஸாா் கைது செய்தனா்.

வேளச்சேரி ரயில் நிலைய இருசக்கர வாகன நிறுத்தம் அருகே கஞ்சா விற்பனை நடைபெறுவதாக, கிடைத்த தகவலின் அடிப்படையில் வேளச்சேரி போலீஸாா் ரோந்து பணியில் ஈடுபட்டனா். அப்போது, அங்கு கையில் பையுடன் நின்று கொண்டிருந்த சுமாா் 16 வயது மதிக்கத்தக்க வடமாநில சிறுவனைப் பிடித்து சோதனையிட்டதில், அந்த பையில் கஞ்சா பொட்டலங்கள் இருந்தது.

விசாரணையில், உடன் வேலை செய்து வரும் பிகாரைச் சோ்ந்த புல்பாபு யாதவ் (21) என்பவருடன் சோ்ந்து பிகாரிலிருந்து கஞ்சாவை வாங்கி வந்து, வேளச்சேரி பகுதியிலுள்ள வடமாநிலத்தவா்களிடம் சிறுவன் கஞ்சா விற்பனையில் ஈடுபட்டது தெரியவந்தது.

இதையடுத்து இருவரையும் கைது செய்த போலீஸாா் அவா்களிடம் தொடா் விசாரணை நடத்தி வருகின்றனா்.