கத்தியுடன் சுற்றித்திரிந்தவா் கைது

செங்குன்றம் அருகே கத்தியுடன் சுற்றித்திரிந்தவரை போலீஸாா் கைது செய்தனா்.

செங்குன்றம் அடுத்த பாடியநல்லூா் அங்காள ஈஸ்வரி கோயில் ஆலய விளையாட்டுத் திடலில், மதுபோதையில் பொதுமக்களுக்கு அச்சுறுத்தும் வகையில் கத்தியுடன் இளைஞா் ஒருவா் சுற்றித்திரிவதாக செங்குன்றம் போலீஸாருக்கு ரகசியத் தகவல் கிடைத்தது.

தகவலின்பேரில் செவ்வாய்க்கிழமை இரவு போலீஸாா், விளையாட்டுத் திடலுக்குச் சென்று கத்தியுடன் சுற்றித்திரிந்த இளைஞரைப் பிடித்து விசாரித்தனா். அதில் அவா், பாடியநல்லூா் பி.டி.மூா்த்தி நகா், முனீஸ்வரா் கோயில் தெருவைச் சோ்ந்த பாலாஜி (30) என்பதும், அவா் மீது செங்குன்றம் காவல் நிலையத்தில் கொலை முயற்சி உள்ளிட்ட பல்வேறு வழக்குகள் நிலுவையில் உள்ளதும் தெரியவந்தது.

இது குறித்து வழக்குப் பதிவு செய்த போலீஸாா், பாலாஜி வைத்திருந்த கத்தியை பறிமுதல் செய்து விசாரணை நடத்தி வருகின்றனா்.