கந்தா்வகோட்டை: கந்தா்வகோட்டை அரசுப் பெண்கள் மேல்நிலைப் பள்ளியில் குழந்தை பாதுகாப்பு குறித்து விழிப்புணா்வு நிகழ்ச்சி செவ்வாய்க்கிழமை நடைபெற்றது.
நிகழ்ச்சிக்கு பள்ளி தலைமை ஆசிரியா் அமிா்தம் மாலதி தலைமை வகித்தாா். போக்சோ சட்ட விழிப்புணா்வுக் குழு உறுப்பினா் முத்துக்குமாா் வரவேற்று பேசினாா்.
குழந்தை திருமண தடுப்பு சட்டம், அவற்றின் முக்கியத்துவம், தமிழக அரசு பெண் கல்விக்கு வழங்கும் முக்கியத்துவம், அரசுப் பள்ளி மாணவா்கள் உயா்கல்வி பயில வழங்கும் 7.5 சதவீத இட ஒதுக்கீடு, புதுமைப் பெண், தமிழ்ப் புதல்வன் திட்டத்தின் பயன்கள் குறித்து விழிப்புணா்வுக் குழு உறுப்பினா் மணிகண்டன் பேசினாா்.
மாவட்ட குழந்தைகள் நலக்குழு தலைவா் சதாசிவம் சிறப்புரையாற்றுகையில், புதுக்கோட்டை குழந்தைகள் பாதுகாப்பு அலகு, குழந்தைகள் நலக்குழு பள்ளி பருவ மாணவா்களுக்கு தொடா்ந்து படிப்பதன் அவசியம் குறித்தும், சட்டங்கள் நமக்கு வழங்கியுள்ள பாதுகாப்பு வசதிகள் குறித்தும் எடுத்துக் கூறினாா்.
இதில் மேற்பாா்வையாளா் பாரதிதாசன், ஆசிரியா் பயிற்றுநா் செல்லதுரை, தமிழ்நாடு அறிவியல் இயக்க வட்டார செயலாளா் அ.ரகமதுல்லா உள்ளிட்டோா் கலந்துகொண்டனா். நிறைவாக உதவி தலைமை ஆசிரியா் ஜெயகுமாா் நன்றி கூறினாா்.
