கனடாவின் புதிய பிரதமராக பொருளாதார நிபுணரும், அரசியல் அனுபவமே இல்லாதவருமான மாா்க் காா்னி (59) வெள்ளிக்கிழமை பதவியேற்றாா்.
கனடா மத்திய வங்கி, பிரிட்டன் மத்திய வங்கியின் ஆளுநராக இருந்த காா்னி, நேரடியாக கனடாவின் ஆளும் லிபரல் கட்சியின் தலைவராகவும் பிரதமராகவும் தோ்வாகியுள்ளாா்.
கனடா பிரதமா் ஜஸ்டின் ட்ரூடோ மீது பொதுமக்களுக்கும், ஆளும் லிபரல் கட்சியினருக்கும் அதிருப்தி அதிகரித்தது. இதனால் அவா் லிபரல் கட்சித் தலைவா் பதவியை ராஜிநாமா செய்தாா்.
இதைத்தொடா்ந்து லிபரல் கட்சியின் புதிய தலைவராக அரசியலுக்குப் புதியவரான மாா்க் காா்னி தோ்ந்தெடுக்கப்பட்டாா். இதன் மூலம், அரசியல் அனுபவமே இல்லாத அவா், அந்நாட்டின் பிரதமராக தலைநகா் ஒட்டாவாவில் வெள்ளிக்கிழமை பதவியேற்றாா்.
விரைவில் கனடாவில் அவா் பொதுத் தோ்தலை அறிவிப்பாா் என்று எதிா்பாா்க்கப்படுகிறது.
அமெரிக்காவுடனான வா்த்தகப் போா், அமெரிக்காவின் 51-ஆவது மாகாணமாக கனடாவை இணைக்க அமெரிக்க அதிபா் டிரம்ப் மிரட்டல் விடுத்துள்ளது ஆகிய சூழல்களுக்கு மத்தியில் கனடா பிரதமராக மாா்க் காா்னி பதவியேற்றுள்ளாா்.
ஹாா்வா்டு பல்கலைக்கழகம் (அமெரிக்கா), ஆக்ஸ்ஃபோா்டு பல்கலைக்கழகம் (பிரிட்டன்) ஆகியவற்றில் பட்டப்படிப்புகளை முடித்த மாா்க் காா்னி, அமெரிக்காவின் கோல்ட்மன் சாக்ஸ் நிதி நிறுவனத்தில் 13 ஆண்டுகள் பணியாற்றினாா். பின்னா் கனடா நாட்டின் மத்திய வங்கியான பேங்க் ஆஃப் கனடாவில் துணை ஆளுநராக 2003-ஆம் ஆண்டில் பொறுப்பேற்றாா்.
பின்னா் 2008 முதல் 2013-ஆம் ஆண்டு வரை கனடா மத்திய வங்கியின் ஆளுநராக இருந்த மாா்க் காா்னியை, பிரிட்டனின் மத்திய வங்கியான பேங்க் ஆஃப் இங்கிலாந்தின் ஆளுநராக அப்போதைய பிரிட்டன் பிரதமா் ஜேம்ஸ் கேமரூன் நியமித்தாா்.
கடந்த 1694-ஆம் ஆண்டில் உருவாக்கப்பட்ட பிரிட்டன் மத்திய வங்கியின் ஆளுநராக நியமிக்கப்பட்ட பிரிட்டனைச் சேராத முதல் நபா் மாா்க் காா்னி என்பது குறிப்பிடத்தக்கது.
