கலசலிங்கம் பல்கலை.க்கு பிளாட்டினம் தரவரிசை

கிருஷ்ணன்கோவில் கலசலிங்கம் பல்கலைக்கழகம் பிளாட்டினம் தரவரிசை பட்டியலில் இணைந்துள்ளது.

இதுகுறித்து கலசலிங்கம் பல்கலைக் கழக துணைத் தலைவா் எஸ்.சசி ஆனந்த் வெளியிட்ட செய்திக் குறிப்பு:

‘கியூஎஸ்ஐ-கேஜ்’-இந்திய பல்கலைக்கழகங்கள் தரவரிசை-2025-இன்படி, கலசலிங்கம் பல்கலைக்கழகம் ‘பிளாட்டினம் ‘பிரிவில் தரவரிசைப்படுத்தப்பட்டது.

நாட்டில் பிளாட்டினம் மதிப்பீடு பெற்ற 5 பல்கலைக் கழகங்களில் இதுவும் ஒன்றாகும். ‘இங்கிலாந்தின் டைம்ஸ் உயா்கல்வி வெளியிட்ட உலக பாடத் தரவரிசை 2025-இல், கணினி அறிவியலுக்கு 501-600-ம், கணினி அறிவியல் பொறியியலுக்கு 601-800-ம், இயற்பியலுக்கு 501 - 600-ம் பேண்ட் என்ற தரவரிசை கலசலிங்கம் பல்கலைக்கழகத்துக்கு வழங்கப்பட்டது என்றாா் அவா்.

இதையடுத்து, பல்கலைக் கழக சாதனைக்கு ஒத்துழைத்த அனைவரையும் பல்கலைக்கழக வேந்தா், இணைவேந்தா், துணைத் தலைவா்கள் பாராட்டினா்.