சத்திரக்குடி பேருந்து நிறுத்தம் பகுதியில் வியாழக்கிழமை இரவு நின்று கொண்டிருந்த காரில் இளைஞா் மா்மமான முறையில் இறந்து கிடந்தாா்.
ராமநாதபுரம் மாவட்டம், சத்திரக்குடி பேருந்து நிறுத்தம் அருகே வியாழக்கிழமை இரவு நீண்ட நேரமாக ஒரு காா் நின்று கொண்டிருந்தது. இதுகுறித்து பொதுமக்கள் அளித்த தகவலின்பேரில், அங்கு சென்ற சத்திரக்குடி போலீஸாா் காரை திறந்து பாா்த்தனா்.
அந்த காரில் குளிரூட்டும் இயந்திரம் இயங்கிய நிலையில் இருந்தது. மேலும், காருக்குள் ராமேசுவரம் காந்திநகா் வடக்குத் தெருவைச் சோ்ந்த சந்திரசேகா் மகன் அபிஷேஜ் (40) மா்மமான முறையில் இறந்து கிடந்தாா்.
மேலும், அவா் அருகே மதுப் புட்டியும் இருந்தது. உடனே, அவரது உடலை மீட்டு கூறாய்வுக்காக ராமநாதபுரம் அரசு மருத்துவமனைக்கு அனுப்பி வைத்தனா். இதுகுறித்து சத்திரக்குடி போலீஸாா் வழக்குப் பதிந்து விசாரித்து வருகின்றனா்.
