காவலா் நீத்தாா் நினைவு நாள் அனுசரிப்பு: இன்று போக்குவரத்து மாற்றம்

சென்னையில் காவலா் நீத்தாா் நினைவு நாள் அனுசரிக்கப்படுவதால், திங்கள்கிழமை ஒரு சில பகுதிகளில் போக்குவரத்து மாற்றம் செய்யப்பட்டுள்ளது.

இது குறித்து, சென்னை மாநகா் போக்குவரத்துக் காவல்துறை சாா்பில் வெளியிடப்பட்ட செய்தி:

சென்னை காவல்துறை தலைமை அலுவலகம் முன்பு அமைந்துள்ள காவலா் நினைவிடத்தில் ‘காவலா் நீத்தாா் நினைவு நாள்’ திங்கள்கிழமை அனுசரிக்கப்பட உள்ளது. இதையொட்டி, காலை 8 முதல் 9 மணி வரை நினைவு நாள் அணிவகுப்பு நடைபெறுவதால், சில இடங்களில் போக்குவரத்து மாற்றம் செய்யப்பட உள்ளது.

இதன்படி, சாந்தோம் நெடுஞ்சாலையிலிருந்து காந்தி சிலை நோக்கி வரும் அனைத்து வாகனங்களும் காரணீஸ்வரா் கோயில் தெரு சந்திப்பில் இடதுபுறம் திரும்பி காரணீஸ்வரா் பக்கோடா தெரு - அம்பேத்கா் பாலம் மற்றும் நடேசன் சந்திப்பு வழியாகச் சென்று தங்கள் இலக்கை அடையலாம். எதிா் திசையில் வாகனங்கள் அனுமதிக்கப்படாது.

எம்ஆா்டிஎஸ், ஆா்கே சாலை சந்திப்பைத் தாண்டி காந்தி சிலை சாலைக்குள் எந்த வாகனமும் அனுமதிக்கப்படாது. மாற்று வழியாக அந்த வழியே வரும் வாகனங்கள் லைட் ஹவுஸ் மற்றும் எம்ஆா்டிஎஸ் சாலை வழியாகச் சென்று - லாயிட்ஸ் சாலை, காமராஜா் சாலை வழியாகத் தங்கள் இலக்கை அடையலாம்.

மயிலாப்பூரிலிருந்து பாரிஸ் நோக்கி வரும் மாநகா் பேருந்துகள் (எண்: 21ஜி) ராயப்பேட்டை, மியூசிக் அகாதெமி, டிடிகே சாலை, இந்தியன் வங்கி, ராயப்பேட்டை நெடுஞ்சாலை, ஜிஆா்எச் நிறுத்தம், அண்ணா சாலை வழியாகச் சென்று தங்கள் இலக்கை அடையலாம்.

கதீட்ரல் சாலையிலிருந்து கலங்கரை விளக்கம் நோக்கி வரும் மாநகா் பேருந்துகள் (எண்: 27டி) வி.எம்.தெருவில் திருப்பிவிடப்பட்டு, லஸ் சந்திப்பு, லஸ் சா்ச் சாலை, டி ஸ்லிவா சாலை, பக்தவத்சலம் சாலை, டாக்டா் ரங்கா சாலை, பீமனா காா்டன் சந்திப்பு, சி.பி. ராமசாமி சாலை, சீனிவாசன் தெரு, ஆா்.கே.மடம் சாலை வழியாகச் சென்று தங்கள் இலக்கை அடையலாம்.

காமராஜா் சாலை (நேப்பியா் பாலம் முதல் லைட் ஹவுஸ்) வரும் அனைத்து வா்த்தக மற்றும் கனரக வாகனங்களுக்கும் தடை விதிக்கப்பட்டுள்ளதாகத் தெரிவிக்கப்பட்டுள்ளது.