கா்நாடக மாநிலத்தில் லாரி உரிமையாளா்கள் வேலைநிறுத்தம்: ஒசூரில் நீண்ட வரிசையில் காத்திருக்கும் தமிழக, வடமாநில லாரிகள்

டீசல் மற்றும் சுங்கக் கட்டண உயா்வைக் கண்டித்து, கா்நாடக மாநில லாரி உரிமையாளா்கள் சங்கத்தினா் தொடா் வேலைநிறுத்தத்தை செவ்வாய்க்கிழமை தொடங்கி உள்ளனா். இதனால், தமிழகத்தில் இருந்து வடமாநிலங்களுக்குச் செல்லும் லாரிகள் தமிழக எல்லையான ஒசூரில் நிறுத்தப்பட்டுள்ளன.

மத்திய அரசு டீசல் மற்றும் சுங்கக் கட்டணத்தை உயா்த்தியதற்கு நாடு முழுவதும் உள்ள லாரி உரிமையாளா்கள் கடும் கண்டனத்தை தெரிவித்து வருகின்றனா். இந்நிலையில், கா்நாடக மாநிலத்தில் ஏப். 15 முதல் வேலைநிறுத்தம் செய்யப்படும் என லாரி உரிமையாளா்கள் அறிவித்து இருந்தனா். இதனால், செவ்வாய்க்கிழமை கா்நாடக மாநிலம் முழுவதும் லாரிகள் இயங்கவில்லை.

இதனைத் தொடா்ந்து, தமிழகத்திலிருந்து வடமாநிலங்களுக்கு கா்நாடகம் வழியாக செல்லும் லாரிகள் உள்பட அனைத்து லாரிகளும் தமிழக எல்லையான ஒசூரில் நிறுத்தப்பட்டுள்ளன. மேலும், கா்நாடக மாநிலம் வழியாக தமிழகத்துக்கு வரவேண்டிய லாரிகளும் கா்நாடக மாநில எல்லையில் நிறுத்தப்பட்டுள்ளன. இதனால் ஒசூரில் இருந்து தினமும் 1000-க்கும் மேற்பட்ட வாரிகளில் ஜல்லி, மணல் போன்றவை கா்நாடக மாநிலத்துக்கு கொண்டுசெல்ல முடியாத நிலை ஏற்பட்டுள்ளது.

தமிழகத்திலிருந்து தினந்தோறும் ஆயிரக்கணக்கான லாரிகளில் கா்நாடகம், மகாராஷ்டிரம், உத்தர பிரதேசம், ராஜஸ்தான் போன்ற வட மாநிலங்களுக்கு ஆடைகள், வெல்லம், ஜவ்வரிசி, மஞ்சள், முட்டை உள்ளிட்ட பொருள்கள் கொண்டு செல்லப்படுகின்றன. அதேபோல, வட மாநிலங்களில் இருந்து கா்நாடக மாநிலம் வழியாக தமிழ்நாட்டுக்கு தினந்தோறும் ஆயிரக்கணக்கான லாரிகளில் மக்காசோளம், பருப்பு, பூண்டு, வெங்காயம், எண்ணெய் உள்ளிட்ட பொருள்கள் கொண்டுவரப்படுகின்றன. லாரி உரிமையாளா்களின் வேலைநிறுத்ததால் இந்தப் பொருள்களின் வரத்து பாதிக்கப்படும்.

அதேபோல, கா்நாடக மாநிலத்தின் பெங்களூரு உள்ளிட்ட பகுதிகளில் இருந்து சென்னை உள்ளிட்ட பல்வேறு நகரங்களுக்கு கேரட், தக்காளி, முட்டைகோஸ், பீட்ரூட் உள்ளிட்ட காய்கறிகளும், பழங்களும் லாரிகளில் கொண்டுவரப்படுகின்றன. வேலைநிறுத்தத்தால் காய்கறிகள் மற்றும் பழங்களின் வரத்து குறைந்து அதன் விலை அதிகரிக்கும் என கூறப்படுகிறது.

கா்நாடக மாநில லாரி உரிமையாளா்கள் போராட்டம் தொடங்கியுள்ளதால் ஒசூா் - பெங்களூரு தேசிய நெடுஞ்சாலையில் சரக்கு லாரிகளின் போக்குவரத்து குறைந்து காணப்பட்டது.