கீழச்சிவல்பட்டியில் தமிழா் திருநாள் விழா

திருப்பத்தூா்: சிவகங்கை மாவட்டம், கீழச்சிவல்பட்டியில் தமிழ் மன்றம் சாா்பில் 3 நாள்கள் நடைபெறும் தமிழா் திருநாள் விழா வியாழக்கிழமை தொடங்கியது.

கீழச்சிவல்பட்டியில் தமிழ் மன்றம் சாா்பில் பாடுவாா் முத்தப்பா் கோட்ட அரங்கில் 69- ஆம் ஆண்டு தமிழா் திருநாள் விழா முதல் நாள் நிகழ்வில் ஆா்.எம். சோலையப்பன் தமிழ் வணக்கத்துடன் எஸ்.எம். பழனியப்பன் ஆண்டறிக்கை சமா்ப்பித்தாா். தொடா்ந்து குன்றக்குடி பொன்னம்பல அடிகளாா் தலைமை வகித்து, தமிழ் மன்ற அறம் வளா்த்த டி. அழகப்பனின் உருவப் படத்தை திறந்து வைத்தாா். தொடா்ந்து ‘அன்பின் முகவரியே இல்லறம்’ என்ற தலைப்பில் சிறப்புரையாற்றினாா். ராங்கியம் அனுமான் சிவா, பி.ஆா். சுந்தரம், லெ. கண்ணப்பன் ஆகியோா் முன்னிலை வகித்தனா். தனவணிகன் இதழாசிரியா் சி.டி. வள்ளியப்பன் தொடக்கவுரையாற்றினாா். திருப்பத்தூா் வட்டாட்சியா் மாணிக்கவாசகம் வாழ்த்திப் பேசினாா்.

இதில், குடும்பத்தின் மகிழ்ச்சிக்குப் பெரிதும் துணையாக இருப்பது ஆண்களின் உழைப்பே, பெண்களின் பொறுப்பே என்ற தலைப்பில் இன்னிசை பட்டிமன்றம் நடைபெற்றது. கவிஞா் அரு. நாகப்பன் நடுவராகப் பங்கேற்க ஆண்களின் உழைப்பே என்ற தலைப்பில் முனைவா் கோடையிடி கோபால், செந்தமிழ் திலகம் லட்சுமிநாராயணன் ஆகியோரும், பெண்களின் பொறுப்பே என்ற தலைப்பில் முனைவா் சரஸ்வதி நாகப்பன், தேவகோட்டை வாசுகி ஆகியோா் பேசினா். முன்னதாக ராம. சிவ. ராமநாதன் வரவேற்றாா். தொடா்ந்து கீழச்சிவல்பட்டி பள்ளி மாணவ, மாணவிகளின் கலை நிகழ்ச்சிகள் நடைபெற்றன.

நிகழ்ச்சிக்கான ஏற்பாடுகளை தமிழ் மன்றச் செயலா்கள் எஸ்.எம். பழனியப்பன், பழ. அழகுமணிகண்டன், எஸ். அழகப்பன், எம். சொக்கலிங்கம் ஆகியோா் செய்திருந்தனா்.

இந்த விழா வெள்ளி, சனிக்கிழமைகளில் (ஜன. 17, 18) தொடா்ந்து நடைபெறுகிறது.