குண்டா் தடுப்புச் சட்டத்தில் பெண் கைது

திருவாரூா் மாவட்டம், நீடாமங்கலம் பகுதியில் குண்டா் தடுப்புச் சட்டத்தில் பெண் சனிக்கிழமை சிறையில் அடைக்கப்பட்டாா்.

கடந்த ஆண்டு கமலாபுரம் அருகே பூவனூா் ராஜ்குமாா் என்பவா் கொலை செய்யப்பட்டாா். நீடாமங்கலம் பகுதியைச் சோ்ந்த இவா் மீது நீடாமங்கலம், மன்னாா்குடி, நன்னிலம், வலங்கைமான் உள்ளிட்ட காவல் நிலையங்களில் கொலை, கொலை முயற்சி, கொள்ளை, அடிதடி, திருட்டு, ஆயுதச்சட்டம் உள்ளிட்ட 23 வழக்குகள் நிலுவையில் இருந்தன. தவிர, பிறமாவட்டங்களிலும் இவா் மீது பல்வேறு வழக்குகள் நிலுவையில் இருந்தன. 2021- இல் நீடாமங்கலத்தை சோ்ந்த நடேச தமிழாா்வன் கொலை செய்யப்பட்ட வழக்கில் முக்கிய குற்றவாளியாவாா்.

இதனிடையே, பூவனூா் ராஜ்குமாா் கொலை செய்யப்பட்டபிறகு, அவருடைய மனைவி ராஜகுமாரி (25) நண்பா்களுடன் சோ்ந்து சட்ட விரோத செயல்களில் ஈடுபட்டாராம். மேலும், அண்மையில் களப்பால் காவல் நிலைய சரகத்தில் மாரிமுத்து என்பவா் கொலை செய்யப்பட்ட வழக்கில் ராஜகுமாரி முக்கியமான குற்றவாளியாக இருந்துள்ளாா். இதையடுத்து, இந்த வழக்கு தொடா்பாக ராஜகுமாரியை போலீஸாா் தேடிவந்த நிலையில், ஆயுதங்களை வைத்து குற்றச் சம்பவங்களுக்கு திட்டம் தீட்டுதல், பொது மக்களை மிரட்டுதல் போன்ற சட்ட விரோத செயல்களில் ஈடுபட்டதால் இவரை நீடாமங்கலம் காவல் நிலையத்தில் ஆயுதச்சட்டத்தின் கீழ் வழக்கு பதிவு செய்து ஆக.18-ஆம் தேதி சிறையிலடைக்கப்பட்டாா்.

இதுகுறித்து போலீஸாா் விசாரணை நடத்தியதன் அடிப்படையில், மாவட்ட காவல் கண்காணிப்பாளா் எஸ். ஜெயக்குமாா் பரிந்துரையின் பேரில், ராஜகுமாரியை குண்டா் தடுப்புச் சட்டத்தில் சிறையில் அடைக்க மாவட்ட ஆட்சியா் தி. சாருஸ்ரீ உத்தரவிட்டாா். இதையடுத்து, திருச்சி மத்திய சிறையில், ராஜகுமாரி சனிக்கிழமை சிறையில் அடைக்கப்பட்டாா்.