குற்றாலம் அருவிகளில் குளிக்க தடை நீட்டிப்பு

தென்காசி மாவட்டம் குற்றாலம் அருவிகளில் தொடரும் வெள்ளப்பெருக்கின் காரணமாக, 2ஆவது நாளாக வியாழக்கிழமையும் குளிக்கத் தடை விதிக்கப்பட்டது.

குற்றாலம் பகுதியில் புதன்கிழமை அதிகாலைமுதல் பெய்த கனமழையின் காரணமாக, பேரருவி, ஐந்தருவி, பழையகுற்றாலம் அருவிகளில் வெள்ளப்பெருக்கு ஏற்பட்டது. இதனால் சுற்றுலாப் பயணிகள் குளிக்கத் தடை விதிக்கப்பட்டது.

இந்நிலையில் இரண்டாவது நாளாக வியாழக்கிழமையும் அருவிகளில் தண்ணீா்வரத்து குறையாததால் குளிக்க விதிக்கப்பட்டிருந்த தடை நீட்டிக்கப்பட்டது. இதனால் ஐயப்ப பக்தா்களும், சுற்றுலாப் பயணிகளும் புலியருவி மற்றும் சிற்றருவியில் குளித்து மகிழ்ந்தனா்.