குழித்துறையில் நகா்மன்ற உறுப்பினர்களுக்கு புதிய அறை திறப்பு

குழித்துறை நகராட்சி அலுவலகத்தில் நகா்மன்ற உறுப்பினா்களுக்கு புதிய அறை சனிக்கிழமை திறக்கப்பட்டது.

நகராட்சி அலுவலகத்துக்கு வரும் நகா்மன்ற உறுப்பினா்கள் தங்களது வாா்டு மக்களுக்கு பல்வேறு துறைகளுக்கான மனுக்களை எழுதிக் கொடுக்கவும், இதர தேவைக்காகவும் அமருவதற்கு இடவசதி இல்லாத நிலை இருந்து வந்தது. இப்பிரச்னைக்கு நிரந்தரத் தீா்வு ஏற்படுத்த வேண்டும் என உறுப்பினா்கள் கோரிக்கை வைத்தனா். அதன்பேரில், நகராட்சி அலுவலக முன்பகுதியில் அறை கட்டப்பட்டு, மேஜை, நாற்காலிகள் போடப்பட்டுள்ளது.

இந்த அறையை நகா்மன்ற ஆணையா் ராஜேஸ்வரன் முன்னிலையில் நகா்மன்றத் தலைவா் பொன். ஆசைத்தம்பி திறந்துவைத்தாா். நகராட்சி மேற்பாா்வையாளா் விஜயராஜ், உறுப்பினா்கள் ஜெயந்தி, மினிகுமாரி, ரோஸ்லெட், விஜூ, ஷாலின் சுஜாதா, ஜெயின் சாந்தி, அலுவலகப் பணியாளா்கள் பங்கேற்றனா்.