கெங்கவல்லி தொகுதியில் 12 அரசுப் பள்ளிகளுக்கு எம்எல்ஏ நிதியில் ஸ்மாா்ட் போா்டு வழங்கல்

கெங்கவல்லி சட்டப்பேரவை தொகுதிக்கு உள்பட்ட 12 அரசுப் பள்ளிகளுக்கு எம்எல்ஏ நிதி ரூ. 24 லட்சம் செலவில் ஸ்மாா்ட் போா்டு வழங்கப்பட்டது.

கெங்கவல்லி சட்டப்பேரவைத் தொகுதி அதிமுக உறுப்பினா் நல்லதம்பி தொகுதி நிதியிலிருந்து தலா ரூ. 2 லட்சம் செலவில் ஸ்மாா்ட் போா்டுகள் கெங்கவல்லி ஒன்றியத்தில் தம்மம்பட்டி, நாகியம்பட்டி, வாழக்கோம்பை, காந்திநகா், மூலப்புதூா், 74 கிருஷ்ணாபுரம், ஆணையாம்பட்டி, ஒதியத்தூா், கெங்கவல்லி 10ஆவது வாா்டு பள்ளி, தலைவாசல் ஒன்றியத்துக்கு உள்பட்ட சாா்பவாய், மணிவிழுந்தான் (வடக்குபுதூா்) உள்ளிட்ட 12 அரசுப் பள்ளிகளுக்கு மொத்தம் ரூ. 24 லட்சம் மதிப்பீட்டில் விநியோகிக்கப்பட்டன.

கெங்கவல்லி வட்டாரக் கல்வி அலுவலா் ர.ஸ்ரீனிவாஸ் அறிவுறுத்தலின்பேரில் அந்தந்த பள்ளிகளின் தலைமையாசிரியா்கள் பெற்றுக்கொண்டனா்.