ராயல் என்ஃபீல்டு நிறுவனத்தின் மொத்த விற்பனை கடந்த அக்டோபா் மாதத்தில் 31 சதவீதம் உயா்ந்துள்ளது.
இது குறித்து நிறுவனம் வெளியிட்டுள்ள செய்திக்குறிப்பில் தெரிவிக்கப்பட்டுள்ளதாவது:
கடந்த அக்டோபா் மாதத்தில் நிறுவனம் 1,10,574 இரு சக்கர வாகனங்களை சில்லறை விற்பனையாளா்களுக்கு அனுப்பியது. முந்தைய 2023-ஆம் ஆண்டின் இதே மாதத்தோடு ஒப்பிடுகையில் இது 31 சதவீதம் அதிகம். அப்போது நிறுவனத்தின் மொத்த விற்பனை 84,435-ஆக இருந்தது.
மதிப்பீட்டு மாதத்தில் நிறுவனத்தின் சா்வதேச விற்பனை 8,688-ஆக அதிகரித்துள்ளது. முந்தைய ஆண்டின் இதே மாதத்தில் இந்த எண்ணிக்கை 3,477-ஆக இருந்தது.
2023 அக்டோபா் மாதத்தில் 76,075-ஆக இருந்த நிறுவனத்தின் 350சிசி வரையிலான என்ஜின்கள் பொருத்தப்பட்ட இரு சக்கர வாகனங்களின் விற்பனை, இந்த அக்டோபரில் 27 சதவீதம் உயா்ந்து 96,837-ஆக உள்ளது.
350சிசி-க்கும் மேலான என்ஜின் திறன் கொண்ட மோட்டாா்சைக்கிள்களின் விற்பனை 8,360-லிருந்து 64 சதவீதம் அதிகரித்து 13,737-ஆக உள்ளது என்று அந்த செய்திக்குறிப்பில் தெரிவிக்கப்பட்டுள்ளது.
