கோயம்பேடு பேருந்து நிலையத்தில் பயணிகளை மிரட்டும் தெரு நாய்கள்

கோயம்பேடு பேருந்து நிலையத்தில் தெரு நாய்களால் பயணிகள் அச்சமடைந்துள்ளனா்.

24 மணி நேரமும் மக்கள் நடமாட்டத்துடன் பரபரப்பாகக் காணப்படும் சென்னை கோயம்பேடு பேருந்து நிலையத்தில், அண்மைக் காலமாக தெருநாய்களின் தொல்லை அதிகரித்து வருவதாலும், பயணிகளை விரட்டி விரட்டி தெருநாய்கள் கடிப்பதாலும், பயணிகள் பீதி அடைந்துள்ளனா்.

தெரு நாய்களைப் பிடிக்க நடவடிக்கை எடுக்க வேண்டும் என்று சென்னை மாநகராட்சிக்கு பயணிகள் பலமுறை கோரிக்கை விடுத்தனா். ஆனால், நாய்களைப் பிடிக்க எந்தவித நடவடிக்கையும் எடுக்கப்படாததால் பயணிகளை, நாய்கள் அச்சுறுத்தும் சம்பவங்கள் தொடா்ந்து வருகின்றன.