பட்டுக்கோட்டை அருகே கோயில் கணக்கா் மீது தாக்குதலில் ஈடுபட்டவா்கள் மீது நடவடிக்கை எடுக்கக் கோரி செவ்வாய்க்கிழமை எஸ்.பி.யிடம் புகாா் அளிக்கப்பட்டது.
பட்டுக்கோட்டை அருகே பெருமாள்கோவில் பகுதியில், இந்து சமய அறநிலையத் துறை கட்டுப்பாட்டின் கீழ் பழைமையான ரெங்கநாதா் கோயில் உள்ளது.
இக்கோயில் இடத்தில் அப்பகுதியை சோ்ந்த ராஜரெத்தினம் என்பவா், கடந்த 3 மாதங்களுக்கு முன்பு அமைத்த தற்காலிக அலுவலகத்தை காலி செய்ய வலியுறுத்தி
அறநிலையத் துறை சாா்பில், 3 முறை நோட்டீஸ் அனுப்பப்பட்டது. ஆனால், அந்த அலுவலகத்தை அவா் காலி செய்யவில்லை.
இதையடுத்து திங்கள்கிழமை, இந்து சமய அறநிலையத்துறை உதவி ஆணையா் கவிதா தலைமையில், கோயில் செயல் அலுவலா் சதீஷ்குமாா், கணக்கா் ரங்கராஜ் உள்ளிட்டோா் அந்த அலுவலகத்தை காலி செய்ய முயன்றனா்.
இதையறிந்து அங்கு வந்த ராஜரத்தினம் மற்றும் அவரது மகன்கள் சரண், சந்தோஷ் மூவரும் செயல் அலுவலா் சதீஷ்குமாரை தகாத வாா்த்தையில் பேசி தாக்க முயன்றனா். அப்போது அருகில் நின்ற கோயில் கணக்கா் ரங்கராஜை தாக்கினா். இதில், ரங்கராஜ் பலத்த காயமடைந்து மயங்கி விழுந்தாா். உடனே அவா் பட்டுக்கோட்டை அரசு மருத்துவமனையில் அனுமதிக்கப்பட்டாா்.
இதுகுறித்து பட்டுக்கோட்டை காவல் நிலையத்தில் ரங்கராஜ், தன்னை தாக்கிய நபா்கள் மீது நடவடிக்கை எடுக்க திங்கள்கிழமை புகாா் அளித்தாா்.
போலீஸாா் வழக்குப் பதிவு செய்த நிலையில், சம்பந்தப்பட்டவா்களை கைது செய்யவில்லை என கூறப்படுகிறது.
இந்நிலையில், அவா்களை உடனே கைது செய்ய வேண்டும் எனக் கூறி, தமிழ்நாடு திருக்கோயில் நிா்வாக அதிகாரிகள் சங்கத்தைச் சோ்ந்த பல்வேறு கோயில் செயல் அலுவலா்கள், பணியாளா்கள் செவ்வாய்க்கிழமை மாவட்ட காவல் கண்காணிப்பாளா் மற்றும் இணை ஆணையா் அலுவலகத்தில் புகாா் அளித்தனா்.
