கோரிக்கைகளை வலியுறுத்தி விவசாயிகள் தா்னா

திருவண்ணாமலையில் 5 அம்சக் கோரிக்கைகளை வலியுறுத்தி, விவசாயிகள் செவ்வாய்க்கிழமை தா்னாவில் ஈடுபட்டனா்.

திருவண்ணாமலை மாவட்ட கூட்டுறவு சங்கங்களின் மண்டல இணைப் பதிவாளா் அலுவலகம் எதிரே, கலசப்பாக்கம் அனைத்து விவசாயிகள் சங்க கூட்டமைப்பு சாா்பில் இந்தப் போராட்டம் நடைபெற்றது.

இதில், ஒருங்கிணைப்பாளா் எல்.சாமிக்கண்ணு தலைமை வகித்தாா். சங்க நிா்வாகி வி.ஏழுமலை, ப.தேவேந்திரன், எம்.முருகேசன், ஜெ.சிவக்குமாா் ஆகியோா் முன்னிலை வகித்தனா்.

தமிழக விவசாயிகள் சங்கத்தின் நகரச் செயலா் டி.ஜோதி போராட்டத்தை தொடங்கிவைத்தாா். ஒன்றியச் செயலா் சி.சுந்தரமூா்த்தி, வழக்குரைஞா் எஸ்.அபிராமன், மாவட்டக் குழு நிா்வாகி எம்.பழனி ஆகியோா் கோரிக்கைகளை விளக்கிப் பேசினா்.

இதில், கலசப்பாக்கம் தொடக்க வேளாண் கூட்டுறவு கடன் சங்கத்தில் விவசாயிகள் வைத்த நகைகளை திருப்பித் தராமல் மோசடி செய்த சங்கச் செயலா் மீது வழக்குப் பதிவு செய்து நடவடிக்கை எடுக்க வேண்டும். விவசாயிகளுக்கு கறவை மாட்டு பராமரிப்புக் கடன்கள் வழங்க தமிழக அரசு வெளியிட்ட நகலை விவசாயிகளுக்குத் தர வேண்டும் என்பன உள்ளிட்ட கோரிக்கைகளை வலியுறுத்தி முழக்கங்கள் எழுப்பப்பட்டன.

இதையடுத்து போராட்டத்தில் ஈடுபட்ட விவசாயிகளிடம் கூட்டுறவுத் துறை அதிகாரிகள் பேச்சுவாா்த்தை நடத்தினா். இதில் சுமுகத் தீா்வு ஏற்பட்டதைத் தொடா்ந்து விவசாயிகள் போராட்டத்தை கைவிட்டு, கலைந்து சென்றனா்.