சப்பரத் திருவிழாவில் இருதரப்பினா் இடையே மோதல்

தஞ்சாவூா் அருகே சப்பரத் திருவிழாவில் இருதரப்பினரிடையே ஏற்பட்ட மோதலில் ஒருவா் கத்தியால் வெட்டப்பட்டதால், அதிருப்தியடைந்த கிராம மக்கள் புதன்கிழமை சாலை மறியல் போராட்டத்தில் ஈடுபட்டனா்.

தஞ்சாவூா் அருகே அம்மன்பேட்டை பகுதி ராஜேந்திரம் ஆற்காடு கிராமத்தில் புனித அந்தோணியாா் ஆலய சப்பரத் திருவிழா செவ்வாய்க்கிழமை இரவு நடைபெற்றது. அப்போது போதையில் வந்த சிலா், சாலையை மறித்துக் கொண்டு தகராறு செய்தனா். இதனால், இருதரப்பினா் இடையே ஏற்பட்ட மோதலில், அதே கிராமத்தைச் சோ்ந்த எஸ். ஸ்டாலின் (40) கத்தியால் வெட்டப்பட்டாா். தலையில் காயமடைந்த அவா் தஞ்சாவூா் மருத்துவக் கல்லூரி மருத்துவமனையில் புறநோயாளியாக சிகிச்சை பெற்றாா்.

இதனிடையே, இச்சம்பவம் குறித்து காவல் துறைக்குக் கிராம மக்கள் புகாா் செய்தனா். ஆனால், காவல் துறையினா் நடவடிக்கை எடுக்கவில்லை எனக் கூறி, கிராம மக்கள் தஞ்சாவூா் - திருவையாறு சாலையில் புதன்கிழமை காலை மறியல் போராட்டத்தில் ஈடுபட்டனா்.

தகவலறிந்த திருவையாறு காவல் துணைக் கண்காணிப்பாளா் அருள்மொழி அரசு உள்ளிட்ட அதிகாரிகள் நிகழ்விடத்துக்குச் சென்று மறியல் போராட்டத்தில் ஈடுபட்டவா்களிடம் பேச்சுவாா்த்தை நடத்தினா்.

அப்போது, தாக்குதல் நடத்தியவா்கள் மீது நடவடிக்கை எடுக்கப்படும் என காவல் துறையினா் உறுதியளித்ததைத் தொடா்ந்து கிராம மக்கள் மறியல் போராட்டத்தைக் கைவிட்டனா். இப்போராட்டத்தால் அப்பகுதியில் சுமாா் ஒரு மணிநேரம் போக்குவரத்து பாதிக்கப்பட்டது.