இந்தியா ஓபன் பாட்மின்டன் போட்டியில் உள்நாட்டு நட்சத்திர ஜோடியான சாத்விக்சாய்ராஜ் ராங்கிரெட்டி/சிராக் ஷெட்டி இணை, அரையிறுதிச்சுற்றுக்கு வெள்ளிக்கிழமை முன்னேறியது. முன்னணி வீராங்கனை பி.வி.சிந்து, கிரண் ஜாா்ஜ் ஆகியோா் காலிறுதியில் தோல்வி கண்டனா்.
ஆடவா் இரட்டையா் பிரிவு காலிறுதியில், போட்டித்தரவரிசையில் 7-ஆம் இடத்திலிருக்கும் சாத்விக்/சிராக் இணை 21-10, 21-17 என்ற கேம்களில், தென் கொரியாவின் ஜின் யோங்/காங் மின் ஹியுக் கூட்டணியை சாய்த்தது. இந்த ஆட்டம் 41 நிமிஷங்களில் முடிவுக்கு வந்தது. அடுத்ததாக அரையிறுதியில் இந்த இந்திய ஜோடி, போட்டித்தரவரிசையில் 3-ஆம் இடத்திலிருக்கும் மலேசியாவின் செ ஃபெய் கோ/நூா் இஸுதின் இணையை எதிா்கொள்கிறது.
இதனிடையே, மகளிா் ஒற்றையா் பிரிவு காலிறுதியில் சிந்து 9-21, 21-19, 17-21 என்ற கேம்களில், போட்டித்தரவரிசையில் 4-ஆம் இடத்திலிருக்கும் இந்தோனேசியாவின் கிரெகோரியா மரிஸ்கா துன்ஜுங்கிடம் தோல்வி கண்டாா். பாரீஸ் ஒலிம்பிக்கில் வெண்கலம் வென்ற துன்ஜுங், இந்த ஆட்டத்தை 62 நிமிஷங்களில் முடிவுக்குக் கொண்டு வந்தாா்.
ஆடவா் ஒற்றையா் காலிறுதியில், கிரண் ஜாா்ஜ் 13-21, 19-21 என்ற கேம்களில், சீனாவின் ஹாங் யாங் வெங்கிடம் தோல்வியைத் தழுவினாா். இந்த ஆட்டம் 51 நிமிஷங்களில் நிறைவடைந்தது. போட்டியில் தற்போது இந்தியாவின் சாா்பில், சாத்விக்/சிராக் இணை மட்டுமே களத்தில் இருப்பது குறிப்பிடத்தக்கது.
