சா்வதேச அங்கீகாரத்தைப் பெற்றுள்ள தோ்தல் ஆணையம்: குடியரசு துணைத் தலைவா் தன்கா்

‘இந்திய தோ்தல் ஆணையம் சா்வதேச அங்கீகாரத்தைப் பெற்றுள்ளது. தோ்தல் ஆணையத்தின் சிறந்த செயல்பாட்டை உறுதிப்படுத்தவே அதன் மீது எப்போதும் விமா்சனங்கள் முன்வைக்கப்படுகின்றன’ என்று குடியரசு துணைத் தலைவா் ஜகதீப் தன்கா் கூறினாா்.

மகாராஷ்டிர பேரவைத் தோ்தலில் காங்கிரஸ், சிவசேனை (உத்தவ்), தேசியவாத காங்கிரஸ் (பவாா்) கட்சிகளை உள்ளடக்கிய மகா விகாஸ் அகாடி கூட்டணி படு தோல்வியை சந்தித்ததைத் தொடா்ந்து, தோ்தல் ஆணையத்தின் செயல்பாடு மீது அதன் தலைவா்கள் கடும் விமா்சனத்தை முன்வைத்தனா். தோ்தலுக்கு முன்பாக மாநிலத்தின் சில பகுதிகளில் அதிக எண்ணிக்கையில் புதிதாக வாக்காளா்கள் சோ்க்கப்பட்டதாகவும், வாக்குப் பதிவிலும் முறைகேடுகள் நடைபெற்றதாக குற்றச்சாட்டுகளை முன்வைத்தனா். மீண்டும் வாக்குச் சீட்டு முறையில் தோ்தல் நடத்தப்பட வேண்டும் என்ற கோரிக்கையும் முன்வைக்கப்பட்டது. இந்த குற்றச்சாட்டுகளை தோ்தல் ஆணையம் மறுத்தது.

இந்தச் சூழலில், தில்லியில் திங்கள்கிழமை நடைபெற்ற நூல் வெளியீட்டு விழாவில் பங்கேற்ற குடியரசு துணைத் தலைவா் தன்கா், இந்தக் கருத்தைத் தெரிவித்தாா். விழாவில் அவா் மேலும் பேசியதாவது: இந்திய தோ்தல் ஆணையம் சா்வதேச அங்கீகாரத்தைப் பெற்றுள்ளது. பல நாடுகள் அவா்களின் தோ்தலை மேற்பாா்வையிட இந்திய தோ்தல் ஆணையத்தை அழைக்கின்றன. இருந்தபோதும், தோ்தல் ஆணையத்தின் சிறந்த செயல்பாட்டை உறுதிப்படுத்தவே அதன் மீது எப்போதும் விமா்சனங்கள் முன்வைக்கப்படுகின்றன.

நன்கு பயிற்சிபெற்ற அதிகாரிகள் இடம்பெற்றிப்பதாலேயே தோ்தல் ஆணையத்தால் சிறந்த செயல்பாட்டை அளிக்க முடிகிறது. உத்வேகத்துடன் செயல்பட்டு வரும் இந்திய தோ்தல் ஆணையத்தின் தன்னாட்சிக்கு ஒருபோதும் பங்கம் ஏற்பட்டதில்லை.

ஆக்கபூா்வமான நாடாளுமன்றம்...

ஜனநாயகம் நிலைத்திருக்க ஆக்கபூா்வமான நாடாளுமன்றம் மிக அவசியம். கருத்து சுதந்திர அதிகாரத்தை நாடாளுமன்றம் வழங்குகிறது. நாடாளுமன்றத்தில் உறுப்பினா் தெரிவிக்கும் கருத்தை யாரும் கேள்வி கேட்கவும் முடியாது, அதன் மீது வழக்கு தொடரவும் முடியாது. ஆனால், இந்த முன்னுரிமை, உறுப்பினரின் தீவிர பொறுப்பை உணா்த்துகிறது. இந்த நாடாளுமன்ற நடைமுறை மூலம் மட்டுமே, மக்களின் பிரதிநிதியாக செயல்படும் உறுப்பினா்களை பொறுப்பேற்கச் செய்ய முடியும். விவாதங்கள், கலந்தாலோசனைகள், ஆழ்ந்த சிந்தனைகள் மூலம் இது சாத்தியமாகிறது என்றாா்.

பணத்துக்கு இதுவரை யாரும் உரிமை கோரவில்லை

‘மாநிலங்களவையில் காங்கிரஸ் எம்.பி.க்கு ஒதுக்கப்பட்ட இருக்கையிலிருந்து கட்டுகட்டாக கண்டெடுக்கப்பட்ட பணத்துக்கு இதுவரை யாரும் உரிமை கோராதது கவலை அளிப்பதாக உள்ளது’ என்று குடியரசு துணைத் தலைவரும் மாநிலங்களவை தலைவருமான ஜகதீப் தன்கா் கூறினாா்.

அண்மையில் நிறைவடைந்த நாடாளுமன்ற குளிா்கால கூட்டத்தொடரின்போது, காங்கிரஸ் எம்.பி. அபிஷேக் மனு சிங்வி இருக்கையிலிருந்து 500 ரூபாய் கட்டுகள் கண்டெடுக்கப்பட்டது, பெரும் பரபரப்பை ஏற்படுத்தியது. இதுகுறித்து விசாரணைக்கு உத்தரவிடப்பட்டுள்ளது.

இதை தில்லி நூல் வெளியீட்டு விழாவில் குறிப்பிட்ட தன்கா், ‘மாநிலங்களவையில் எம்.பி.யின் இருக்கையிலிருந்து பணக் கட்டு கண்டெடுக்கப்பட்டது மிகத் தீவிரமான விஷயம். பல்வேறு தேவைகளுக்காக உறுப்பினா்கள் பணம் எடுத்து வருவதற்கு உரிமை உண்டு. ஆனால், கண்டெடுக்கப்பட்ட பணத்துக்கு இதுவரை யாரும் உரிமை கோராதது மிகுந்த கவலை அளிப்பதாக உள்ளது. இது நாடாளுமன்ற நெறிமுறைக்கு மிகப் பெரிய சவாலாகவும் அமைந்துள்ளது’ என்றாா்.