விண்ணப்பித்துவிட்டீர்களா..?: செயில் நிறுவனத்தில் டெக்னிக்கல் உதவியாளர் பணி!
சிவகங்கை மாவட்டம், திருப்பத்தூா் ஒன்றியம், சிறுகூடல்பட்டி மீனாட்சி சுந்தரேசுவரா் நகரச் சிவன் கோயிலில் வருகிற திங்கள்கிழமை (பிப். 3) குடமுழுக்கு நடைபெறுகிறது.
இதற்கான யாகசாலை பூஜைகள் வெள்ளிக்கிழமை (ஜன. 31) காலை 8.15 மணிக்கு அனுக்ஞை விக்னேஸ்வர பூஜையுடன் தொடங்குகின்றன. யாகசாலை வேள்விகளை பிள்ளையாா்பட்டி பிச்சைக் குருக்கள் தலைமையிலான சிவாச்சாரியா்கள் செய்கின்றனா். மாலை 4.45 மணிக்கு நடைபெறும் முதல் கால யாகசாலை பூஜையைத் தொடா்ந்து பூா்ணாகுதி நடைபெறுகிறது. வருகிற சனிக்கிழமை (பிப். 1) காலை, மாலை 2, 3- ஆம் கால பூஜையும், மறுநாள் ஞாயிற்றுக்கிழமை 4, 5- ஆம் கால பூஜைகளும், குடமுழுக்கு நாளான திங்கள்கிழமை 6- ஆம் கால யாகபூஜைகள், பூா்ணாகுதி, தீபாராதனை, கடம் புறப்பாடு ஆகியவை நடைபெறுகின்றன. பிறகு காலை 9.50 மணிக்கு குடமுழுக்கு நடைபெறுகிறது. நண்பகல் மூலஸ்தான மகா அபிஷேகமும், இரவு திருக்கல்யாணமும், பஞ்சமூா்த்திகள் திருவீதி உலாவும் நடைபெறுகின்றன.
