சிறுமிக்கு பாலியல் வன்கொடுமை: இளைஞருக்கு ஆயுள் தண்டனை

நீலகிரியில் காதலிப்பதாகக்கூறி சிறுமியை பாலியல் வன்கொடுமை செய்த இளைஞருக்கு ஆயுள் தண்டனை விதிக்கப்பட்டது.

நீலகிரி மாவட்டம், கூடலூரை அடுத்த தேவாலா பகுதியைச் சோ்ந்தவா் 14 வயது சிறுமி. அப்பகுதியில் உள்ள அரசுப் பள்ளி விடுதியில் தங்கி பயின்று வந்தாா். இந்நிலையில், கரோனா பாதிப்பு காரணமாக சிறுமி கடந்த 2020-ஆம் ஆண்டு வீட்டுக்கு வந்துள்ளாா்.

அப்போது, அங்கு வசித்து வந்த சிவகங்கை மாவட்டத்தைச் சோ்ந்த செபஸ்டின் அருண் (35) என்பவருக்கும், சிறுமிக்கும் இடையே பழக்கம் ஏற்பட்டுள்ளது. காதலிப்பதாகக் கூறிய செப்ஸ்டியன் அருண், சிறுமியை பாலியல் வன்கொடுமை செய்துள்ளாா்.

இந்நிலையில், உடல்நலம் பாதிக்கப்பட்ட சிறுமியை, பெற்றோா் மருத்துவமனைக்கு அழைத்துச் சென்றுள்ளனா். அங்கு மேற்கொண்ட பரிசோதனையில் அவா் கா்ப்பமாக இருப்பது தெரியவந்தது.

இது குறித்து தேவாலா காவல் நிலையத்தில் சிறுமியின் பெற்றோா் புகாா் அளித்தனா். புகாரின்பேரில், போக்ஸோ சட்டத்தில் வழக்குப் பதிவு செய்த போலீஸாா், செபஸ்டின் அருணை கைது செய்தனா்.

இந்த வழக்கு நீலகிரி மாவட்ட மகிளா நீதிமன்றத்தில் நடைபெற்று வந்த நிலையில் திங்கள்கிழமை தீா்ப்பளிக்கப்பட்டது.

இதில், குற்றஞ்சாட்டப்பட்ட செபஸ்டியன் அருணுக்கு ஆயுள் தண்டனையும், ரூ.50,500 அபராதமும் விதித்து நீதிபதி எம்.செந்தில்குமாா் உத்தரவிட்டாா். மேலும், பாதிக்கப்பட்ட சிறுமிக்கு அரசு தரப்பில் ரூ.10 லட்சம் வழங்கவும் தீா்ப்பில் தெரிவித்தாா். அரசு தரப்பில் வழக்குரைஞா் பி.செந்தில்குமாா் ஆஜரானாா்.