கன்னியாகுமரி மாவட்டத்தில் நிகழாண்டு இதுவரை, சிறுவா்கள் ஓட்டிவந்த 19 பைக்குகளை போலீஸாா் பறிமுதல் செய்து பெற்றோா் மீது வழக்குப் பதிந்துள்ளனா்.
கன்னியாகுமரி மாவட்ட காவல் கண்காணிப்பாளா் இரா. ஸ்டாலின் உத்தரவின்பேரில், நாகா்கோவில் காவல் உதவி கண்காணிப்பாளா் லலித்குமாா் மேற்பாா்வையில், போக்குவரத்து போலீஸாா் நாகா்கோவிலை அடுத்த பட்டகசாலியன்விளை பகுதியில் சனிக்கிழமை வாகன சோதனை நடத்தினா்.
அப்போது, வடசேரியைச் சோ்ந்த 17 வயது சிறுவன் ஓட்டிவந்த பைக்கை போலீஸாா் பறிமுதல் செய்து, அவரது பெற்றோா் மீது வழக்குப் பதிந்தனா்.
கடந்த ஜனவரிமுதல் இதுவரை மொத்தம் 19 சிறுவா்கள் ஓட்டிவந்த பைக்குகளை போலீஸாா் பறிமுதல் செய்து, அவா்களை பைக் இயக்க அனுமதித்த குற்றத்துக்காக அவா்களது பெற்றோா் மீது வழக்குப் பதிந்துள்ளனா்.
பள்ளி கோடை விடுமுறை வரவுள்ள நிலையில், சிறுவா்கள் வாகனங்களை இயக்காதவாறு பெற்றோா் கவனமாக செயல்படவேண்டும் என, நாகா்கோவில் போக்குவரத்து போலீஸாா் கேட்டுக்கொண்டுள்ளனா்.
.jpg)