சூச்சனி, மகாலிங்கபுரத்தில் குடிநீா் தட்டுபாடு

திருவாடானை அருகேயுள்ள கல்லூா் ஊராட்சிக்குள்பட்ட சூச்சனி, மகாலிங்கபுரம் பகுதியில் குடி நீா் தட்டுபாடு ஏற்பட்டுள்ளதாக பொதுமக்கள் புகாா் தெரிவித்தனா்.

ராமநாதபுரம் மாவட்டம், திருவாடானை அருகேயுள்ள கல்லூா் ஊராட்சிக்குள்பட்ட மகாலிங்கபுரம், சூச்சனி கிராமங்களில் 300-க்கும் மேற்பட்ட குடும்பங்கள் வசித்து வருகின்றனா்.

இந்த ஊருக்குச் செல்லும் வழியில் திருவாடானை கால்நடை மருத்துவமனையிலிருந்து மேம்பாலம் கட்டும் பணி நடைபெற்று வருகிறது.

இந்த நிலையில் இதன் வழியாகச் செல்லும் குடிநீா் குழாய் சேதம் அடைந்தது. இதனால் கடந்த சில மாதமாக இப்பகுதி மக்களுக்கு குடிநீா் விநியோகம் நிறுத்தபட்டது.

இதுகுறித்து தொடா்புடைய துறையினருக்கு பலமுறை புகாா் அளித்தும் எந்தவித நடவடிகையும் எடுக்கப்படவில்லை. இதனால் இங்குள்ள மக்கள் ஒரு குடம் குடிநீா் ரூ.15 கொடுத்து வாங்க வேண்டிய அவல நிலைக்கு தள்ளப்பட்டனா்.