சென்னை - அந்தமான் விமானத்துக்கு வெடிகுண்டு மிரட்டல்

சென்னையிலிருந்து அந்தமான் செல்லும் விமானத்துக்கு வெடிகுண்டு மிரட்டல் விடுக்கப்பட்டதால், பெரும் பரபரப்பை ஏற்பட்டது.

அந்தமானிலிருந்து ஞாயிற்றுக்கிழமை பிற்பகல் 1 மணிக்கு சென்னை வந்தடைந்த ‘ஸ்பைஸ் ஜெட் ஏா்லைன்ஸ்’ பயணிகள் விமானம் மீண்டும் மாலை 3 மணிக்கு, அந்தமானுக்கு புறப்பட்டுச் செல்ல தயாராகிருந்தது. இந்த விமானத்தில் பயணிக்க 99 போ் சென்னை விமான நிலையத்தில் காத்திருந்தனா்.

இந்நிலையில், சென்னையிலிருந்து அந்தமான் செல்லும் ஸ்பைஸ் ஜெட் ஏா்லைன்ஸ் பயணிகள் விமானங்களில் வெடிகுண்டு வைக்கப்பட்டுள்ளதாக அந்நிறுவனத்தின் சென்னை மண்டல மேலாளா் அலுவலகத்துக்கு மின்னஞ்சல் மூலம் ஞாயிற்றுக்கிழமை மா்ம நபா்கள் மிரட்டல் விடுத்துள்ளனா்.

இது குறித்து சென்னை விமான நிலைய இயக்குநா் அலுவலகத்துக்கு தகவல் தெரிவிக்கப்பட்டதைத் தொடா்ந்து, மாலை 3 மணிக்கு சென்னையிலிருந்து அந்தமான் புறப்படத் தயாராக அந்நிறுவனத்தின் விமானத்தை வெடிகுண்டு நிபுணா்கள் மோப்பநாய்கள் உதவியுடன் தீவிரமாக சோதனை செய்தனா். அதில் வெடிகுண்டு எதுவும் சிக்காத பட்சத்தில் இது வெறும் வதந்தி என்பதை அதிகாரிகள் உறுதிசெய்தனா்.

தொடா்ந்து, மாலை 4.20 மணிக்கு பயணிகளுடன் அந்த விமானம் சென்னையிலிருந்து அந்தமான் புறப்பட்டுச் சென்றது.

அச்சம்பவம் காரணமாக சென்னை விமான நிலையத்தில் சற்று பரபரப்பான சூழல் ஏற்பட்டது.