காவேரிப்பட்டணம் அருகே டாஸ்மாக் கடை விற்பனையாளரை தாக்கியவரை போலீஸாா் திங்கள்கிழமை கைது செய்தனா்.
கிருஷ்ணகிரி அருகே உள்ள பாலகுறியைச் சோ்ந்த முனிரத்தினம் (56), தாசம்பட்டி பிரிவு சாலை உள்ள டாஸ்மாக் கடையில் விற்பனையாளராக பணிபுரிந்து வருகிறாா். இவா் கடந்த 13-ஆம் தேதி பணியில் இருந்தபோது, காவேரிப்பட்டணம் அருகே உள்ள கதிரிபுரத்தைச் சோ்ந்த பிரகாஷ் (30) என்பவா் வந்து கடனுக்கு மது கேட்டுள்ளாா். அதற்கு, முனிரத்தினம் தரமறுத்ததால் இருவருக்கும் இடையே வாக்குவாதம் ஏற்பட்டது.
இதில் ஆத்திரமடைந்த பிரகாஷ், முனிரத்தினத்தை தாக்கினாா். இதுகுறித்து முனிரத்தினம் அளித்த புகாரின் பேரில், காவேரிப்பட்டணம் போலீஸாா் வழக்குப் பதிந்து பிரகாஷை கைது செய்தனா்.
