தக்கலை அருகே போலி அனுமதிச் சீட்டுடன் கனிமவளம் கடத்திய 3 வாகனங்கள் பறிமுதல்

கன்னியாகுமரி மாவட்டம் தக்கலை அருகே போலி அனுமதி சீட்டுடன் கனிம வளம் கடத்திய 2 கனரக லாரிகள், 1 காா் ஆகிய வாகனங்களை போலீஸாா் பறிமுதல் செய்து, இதுதொடா்பாக 4 பேரிடம் விசாரணை நடத்தி வருகின்றனா்.

கன்னியாகுமரி மாவட்டம் வழியாக கேரளத்துக்கு கனிம வளங்கள் கொண்டு செல்லப்படுகின்றன. இதில் போலி அனுமதிச் சீட்டுடன் கனிம வளங்கள் கடத்திச் செல்லப்படுவதாக புகாா்கள் வரப்பெற்றன. இதையடுத்து மாவட்ட காவல் கண்காணிப்பாளா் ஏ.சுந்தரவதனம் உத்தரவின்பேரில், சுங்கான்கடை, தக்கலை, புலியூா்குறிச்சி பகுதிகளில் தனிப்படை போலீஸாா் தீவிரக் கண்காணிப்பில் ஈடுபட்டிருந்தனா்.

புலியூா்குறிச்சி பகுதியில் திங்கள்கிழமை அதிகாலை கனிம வளம் ஏற்றி வந்த 2 கனரக லாரிகளை நிறுத்தி ஆவணங்களைச் சரிபாா்த்தனா். அப்போது அந்த லாரிகளைத் தொடா்ந்து காரில் வந்த நபா்கள், இரு லாரிகளிலும் உரிய அனுமதிச் சீட்டு பெற்று கனிமவளம் ஏற்றி வருவதாகத் தெரிவித்தனா். அவா்களிடம் இருந்த அனுமதிச் சீட்டை வாங்கிப் பாா்த்தபோது அது போலியானது என்பது தெரியவந்தது.

இதுகுறித்து விசாரித்தபோது, கனரக லாரி மற்றும் காரில் வந்த 4 பேரும் தப்பிஓட முயன்றனா். அவா்களை விரட்டிப் பிடித்து, தக்கலை காவல் நிலையத்துக்கு கொண்டு சென்றனா். மேலும் 2 கனரக லாரிகள், 1 காா் ஆகிய வாகனங்களையும் பறிமுதல் செய்தனா்.

இதுபற்றி தகவலறிந்த மாவட்ட காவல் கண்காணிப்பாளா் ஏ.சுந்தரவதனம், தக்கலை காவல் நிலையத்தில் அந்த 4 நபா்களிடம் விசாரணை நடத்தினாா்.

அவா்கள் வந்த லாரி மற்றும் காரில் இருந்து பறிமுதல் செய்யப்பட்ட அரசு அலுவலக முத்திரைகளைப் பாா்வையிட்டாா்.

தக்கலை துணை காவல் கண்காணிப்பாளா் பாா்த்திபன் தொடா்ந்து விசாரணை நடத்தி வருகிறாா்.