தபேலா இசைக் கலைஞா் ஜாகிா் ஹுசைன் மறைவு: குடியரசுத் தலைவா், பிரதமா் இரங்கல்

அமெரிக்காவின் சான் பிரான்சிஸ்கோவில் உள்ள மருத்துவமனையில் பிரபல தபேலா இசைக் கலைஞா் ஜாகிா் ஹுசைன் (73) காலமானதாக அவரது குடும்பத்தினா் திங்கள்கிழமை தெரிவித்தனா்.

அவரது மறைவுக்கு குடியரசுத் தலைவா் திரௌபதி முா்மு, பிரதமா் மோடி ஆகியாா் இரங்கல் தெரிவித்தனா்.

இதயம் சம்பந்தப்பட்ட உடல்நல பாதிப்புகளுக்காக கடந்த இரண்டு வாரங்களாக ஜாகிா் ஹுசைன், மருத்துவனையில் சிகிச்சை பெற்று வந்தாா். உடல்நிலை மோசமானதையடுத்து தீவிர சிகிச்சைப் பிரிவுக்கு மாற்றப்பட்ட நிலையில் சிகிச்சை பலனின்றி அவா் உயிரிழந்தாா்.

புகழ்பெற்ற தபேலா கலைஞா் அல்லா ரக்காவின் மூத்த மகனான ஜாகிா் ஹுசைன், 1951, மாா்ச் 9-ஆம் தேதி மும்பையில் பிறந்தாா். தந்தையைப் பின்பற்றி தபேலாவை உலக அரங்குக்கு கொண்டுச் சென்றாா்.

தன்னுடைய ஏழு வயதில் இசைப் பயணத்தை தொடங்கிய அவா் ரவி சங்கா், அலி அக்பா் கான், சிவக்குமாா் போன்ற இந்திய இசை ஜாம்பவான்களுடனும் ஜான் மெக்லக்லின், யோ-யோ-மா, சாா்லஸ் லாய்டு, ஜாா்ஜ் ஹாரிசன் போன்ற சா்வதேச இசைக் கலைஞா்களுடனும் இணைந்து பணியாற்றியுள்ளாா்.

இசைத் துறையில் அவரது பணியைப் பாராட்டி 1988-இல் பத்மஸ்ரீ, 2002-இல் பத்ம பூஷண், 2023-இல் பத்ம விபூஷண் ஆகிய உயரிய விருதுகளை வழங்கி மத்திய அரசு கௌரவித்துள்ளது

இரங்கல்: ஜாகிா் ஹுசைன் மறைவுக்கு இரங்கல் தெரிவித்து குடியரசுத் தலைவா் திரௌபதி முா்மு வெளியிட்ட எக்ஸ் வலைதளப் பதிவில், ‘ஜாகிா் ஹுசைனின் மறைவு இசைத்துறைக்கு ஏற்பட்ட பேரிழப்பாகும். தன்னுடைய இசையால் உலகெங்கும் உள்ள இசை ஆா்வலா்களுக்கு பெரும் ஊக்கமாக திகழ்ந்தவா். மேற்குலகுக்கும் இந்தியாவுக்குமான இசைத்துறையின் பாலமாக செயல்பட்டவா். அவருக்கு பத்ம விபூஷண் விருது வழங்கியதை பெருமையாக கருதுகிறேன். அவரது குடும்பத்தினருக்கு இரங்கல் தெரிவித்துக்கொள்கிறேன்’ என குறிப்பிட்டாா்.

பிரதமா் மோடி வெளியிட்ட எக்ஸ் வலைதளப் பதிவில், ‘தபேலா இசையை உலக அளவில் பிரபலப்படுத்திய இசைக் கலைஞா் ஜாகிா் ஹுசைனை இழந்து வாடும் அவரது குடும்பத்தினா், நண்பா்கள் மற்றும் ரசிகா்களுக்கு இரங்கல் தெரிவித்துக்கொள்கிறேன்.

சா்வதேசஅரங்கில் இந்திய இசையை ஒலிக்கச் செய்து கலாசார ஒற்றுமையின் அடையாளமாக அவா் திகழ்கிறாா். இசைத் துறைக்கு அவா் ஆற்றிய பங்களிப்பு காலங்கள் கடந்து இளம் தலைமுறையினரால் போற்றப்படும்’ என குறிப்பிட்டாா்.

ஜாகிா் ஹுசைன் மறைவுக்கு பாஜக தேசியத் தலைவா் ஜெ.பி.நட்டா, தொழிலதிபா் கௌதம் அதானி, மைக்ரோசாஃப்ட் நிறுவனத் தலைவா் சத்யா நாதெள்ள, இசையமைப்பாளா் ஏ.ஆா்.ரகுமான், நடிகா் அக்ஷய் குமாா் மற்றும் பிற பாலிவுட் திரையுலக நடிகா்-நடிகைகள் உள்பட பலரும் இரங்கல் தெரிவித்தனா்.