தருமபுரி மாவட்டத்தில் அரசு அலுவலா்கள், பொதுமக்கள் அனைவரும் தலைக்கவசம் அணிவது கட்டாயம் என மாவட்ட ஆட்சியா் ரெ.சதீஷ் தெரிவித்தாா்.
இதுகுறித்து அவா் வெளியிட்ட செய்திக் குறிப்பு: தருமபுரி மாவட்டத்தில் சாலை விபத்துகளைக் குறைப்பது தொடா்பாக அண்மையில் ஆலோசனைக் கூட்டம் நடைபெற்றது. கூட்டத்தில் அனைவரும் சாலை விதிகளை கட்டாயம் பின்பற்றுவது என முடிவு செய்யப்பட்டது. அதன்படி, இருசக்கர வாகனங்களில் அரசு அலுவலகத்துக்கு வரும் அனைத்துத் துறை அரசு அலுவலா்கள், பணியாளா்கள் அனைவரும் கட்டாயம் தலைக்கவசம் அணிந்து சாலை பாதுகாப்பு விதிமுறைகளை கடைப்பிடிக்க வேண்டும்.
மேலும், அரசு அலுவலகங்களுக்கு பல்வேறு கோரிக்கைகளுக்காக வரும் பொதுமக்கள் உள்பட அனைவரும் கட்டாயம் தலைக்கவசம் அணிந்து வருவதோடு சாலை பாதுகாப்பு விதிமுறைகளை கடைப்பிடிக்க வேண்டும். இதுதொடா்பாக சம்மந்தப்பட்ட அரசு அலுவலகத்தின் பொறுப்பு அலுவலா் கண்காணித்து நடவடிக்கை எடுக்க வேண்டும். மேலும், அலுவலா்களுக்கு உரிய அறிவுறுத்தல் வழங்கப்பட்டுள்ளது.
பொதுமக்கள் அனைவரும் சாலை பாதுகாப்பு விதிமுறைகளைக் கடைப்பிடித்து தருமபுரி மாவட்டத்தை விபத்தில்லா மாவட்டமாக மாற்றுவதற்கு அனைவரும் ஒத்துழைப்பு அளிக்க வேண்டும் என அதில் தெரிவிக்கப்பட்டுள்ளது.
