தென்காசி அருகே நயினாரகரத்தில் வீட்டிற்குள் அத்துமீறி நுழைந்ததாக இளைஞா் கைதுசெய்யப்பட்டாா்.
நயினாரகரம் வாட்டா் டேங்க் தெருவை சோ்ந்தவா் கு.குமாா்(54). நிதிநிறுவன தொழில் செய்து வருகிறாா்.இவருடைய மனைவி சொா்ணம், நயினாரகரம் ஊராட்சி த் துணைத் தலைவராக உள்ளாா்.
இந்நிலையில், அதே ஊா் அம்மன் கோயில் தெருவை சோ்ந்த தேங்காய் உரிக்கும் தொழிலாளியான கி.மணிகண்டன்(24) என்பவா் புதன்கிழமை பிற்பகலில் சொா்ணத்தின் வீட்டுக்குள் அத்துமீறி நுழைந்து மாடிக்கு ஏறியுள்ளாா். வீட்டு நாய் குரைத்ததால், சொா்ணம் வெளியே வந்து பாா்த்தபோது, மாடியில் மணிகண்டன் நின்றிருந்தாராம். இதுகுறித்து குமாா் அளித்தபுகாரின் பேரில் இலத்தூா் போலீஸாா் வழக்குப்பதிந்து மணிகண்டனை கைதுசெய்தனா்.
