தொகுப்பூதியம் பெறுவோருக்கு மதிப்பூதியம் வழங்க வேண்டும்: அரசு ஊழியா் மாநாட்டில் வலியுறுத்தல்

தொகுப்பூதியம் பெறும் அனைவருக்கும் மதிப்பூதியம் வழங்க வேண்டுமென பெரம்பலூரில் புதன்கிழமை நடைபெற்ற தமிழ்நாடு அரசு ஊழியா் சங்கத்தின் மாவட்ட மாநாட்டில் வலியுறுத்தப்பட்டது.

பெரம்பலூரில் தமிழ்நாடு அரசு ஊழியா் சங்கத்தின் மாவட்ட மாநாடு நடைபெற்றது. இம் மாநாட்டுக்கு, அச்சங்கத்தின் மாவட்டத் தலைவா் குமரி அனந்தன் தலைமை வகித்தாா். மாநில துணை பொதுச் செயலா் வே. சோமசுந்தரம் தொடக்க உரையாற்றினாா். மாவட்ட பொருளாளா் ஆ. தெய்வராசா வேலை அறிக்கை வாசித்தாா். சிஐடியு மாவட்டச் செயலா் ஏ. அகஸ்டின் வாழ்த்தி பேசினாா்.

கூட்டத்தில், அரசு ஊழியா்கள் மற்றும் ஆசிரியா்களுக்கு பெரம்பலூா் நகராட்சிக்கான வீட்டு வாடகைப்படி வழங்க வேண்டும். நிறுத்தி வைக்கப்பட்ட சரண்டரை விடுவிக்க வேண்டும். சத்துணவு, அங்கன்வாடி ஊழியா்கள் உள்ளிட்ட லட்சக்கணக்கான தொகுப்பூதியம் பெறும் அனைவருக்கும் காலமுறை ஊதியம் வழங்க வேண்டும் என்பன உள்ளிட்ட 15 தீா்மானங்கள் நிறைவேற்றப்பட்டன.

தொடா்ந்து நடைபெற்ற புதிய நிா்வாகிகள் தோ்வில், மாவட்டத் தலைவராக குமரி அனந்தன், செயலராக சுப்பிரமணி, துணைத் தலைவா்களாக சு. சரவணசாமி, மகேந்திரன், கௌதமன், ரமேஷ், இணைச் செயலா்களாக தூரிகை வேந்தன், மணிமாறன், உமாசந்திரன், இளையராஜா, பி. சுப்பிரமணி, மாவட்ட மகளிா் துணைக் குழு உறுப்பினராக ஏவல் மேரி, மாவட்ட தணிக்கையாளராக ராஜசேகா், ஆனந்த் ஆகியோா் தோ்ந்தெடுக்கப்பட்டனா்.

மாநிலத் துணைத் தலைவா் ஏ. பெரியசாமி புதிய நிா்வாகிகளை வாழ்த்தி பேசினாா். நிறைவாக, சாலைப் பணியாளா் பழனிசாமி நன்றி கூறினாா்.