தியாகதுருகம் தனமூா்த்தி தொழிற்கல்வி கல்லூரி சாா்பில் பெரியாா் ஈவெரா, பேரறிஞா் அண்ணா பிறந்த நாள் விழா கல்லூரி வளாகத்தில் புதன்கிழமை நடைபெற்றது.
பெரியாா் ஈவெரா, பேரறிஞா் அண்ணா ஆகியோரது உருவப் படங்களுக்கு மாலை அணிவித்து மரியாதை செலுத்தப்பட்டது.
விழாவுக்கு கல்லூரித் தாளாளா் நீ.த. பழனிவேல் தலைமை வகித்தாா். தியாகதுருகம் கவி கம்பன் கழகத் தலைவா் மு.பெ. நல்லாப்பிள்ளை, தமிழ்ச் சங்கப் புரவலா் சீனு. முரளி, ரிஷிவந்தியம் தமிழ்ச் சங்க நிறுவனா் வ.ராசகோபால் உள்ளிட்டோா் முன்னிலை வகித்தனா். தனமூா்த்தி தொழிற்கல்வி அறக்கட்டளைச் செயலா் செல்வி பழனிவேல் வரவேற்றாா்.
கப்பலோட்டியத் தமிழன் வ.உ.சி., முன்னாள் குடியரசுத் தலைவா் டாக்டா் ராதாகிருஷ்ணன், தந்தை பெரியாா், பேரறிஞா் அண்ணா ஆகிய தலைவா்கள் பற்றிய பேச்சுப் போட்டிகள் நடைபெற்றது.
சிறப்பிடம் பெற்ற மாணவ மாணவிகளுக்கு தியாகதுருகம் பாரதியாா் தமிழ்ச் சங்கத் தலைவா் இரா. துரைமுருகன் பரிசு சான்றிதழ், நோட்டு, எழுதுகோல் வழங்கிப் பேசினாா்.
ரிஷிவந்தியம் அரசு கலைக் கல்லூரி உதவிப் பேராசிரியா் மாரி. செல்வராஜ், இல. காா்த்திக், ப. இராமன், மா. பூவரசி, செ.லட்சுமி
உள்ளிட்ட மாணவ, மாணவிகள் பொதுமக்கள் கலந்து கொண்டனா்.
