நாட்டரசன் கோட்டையில் நூல் வெளியீடு மற்றும் விருது வழங்கும் விழா

சிவகங்கை மாவட்டம் நாட்டரசன் கோட்டையில் திருப்பணி செம்மல் லெ. சிவ . சிவராமன், தெய்வானை ஆச்சியின் 75 ஆவது பவள விழாவை முன்னிட்டு அவர்களது முயற்சியில் பன்னிரு திருமுறை முழுவதும் ஒரே நூலாகவும் மற்றும் திருப்புகழ் நூல் இரண்டு தொகுதிகளாகவும் பதிப்பிக்கப்பட்டு இலவச வெளியீடாக புத்தக வெளியீட்டு விழா நடந்தது.

இவ்விழாவை முன்னிட்டு பல்வேறு ஆன்மீக, இலக்கிய சாதனையாளர்களுக்கு விருதினை திருவாடுதுறை ஆதீனம் 24 வது குரு மகா சந்நிதானம் ஸ்ரீலஸ்ரீ அம்பலவான தேசிக பரமாச்சரிய சுவாமிகள் நாட்டரசன் கோட்டை நகரப் பெருமக்கள் முன்னிலையில் வழங்கினார்.

இதில் லெ.சிவராமன் சிவ. தெய்வானை ஆச்சிக்கு  திருமுறைச் செல்வர் விருதும், நாட்டரசன் கோட்டை எல். எஸ் .பி .எல் ராமநாதன் என்ற தேவகோட்டை ராமநாதனுக்கு சிவம்போலி  தமிழ்ச்சீலர் விருதும், அரிமளம் ஏ. ஆர். சுப்பிரமணியனுக்கு வேள்விச்சாலை வித்தகர் விருதும், அழகு மாணிக்கத்திற்கு அச்சு உலக நாயகர் விருதும், இந்திய சுதந்திரத்திற்கு முன்பே தன் முன்னோர்களால் தொடங்கப்பட்டு இன்றுவரை மக்களின் நன்மதிப்பை பெற்று வரும் ஸ்ரீ விசாலம் சிட்பண்ட் லிமிடெட் நிறுவனத்தின் இயக்குநரும்,

கொடையாளருமான அரு. உமாபதி அவர்களுக்கு அறப்பணி அண்ணல் விருதும், எல்.எம். லட்சுமணனுக்கு நகரத்தார் நற்பணி நாயகர் விருதும் , கண . சரவணனுக்கு அச்சு உலக வேந்தர் விருதும்,  என்.பி ராமசாமிக்கு நற்பணி வேந்தர் விருதும்,  நா. பழனியப்பனுக்கு இதழ் வேந்தர் விருதும், அண.சீனிவாசனுக்கு நகரப் பேரொளி விருதும் வழங்கப்பட்டது.