‘நான் முதல்வன்’ திட்டத்தின்கீழ் மாணவா்களுக்குத் தொழில் பயிற்சி: ஆட்சியா் ஆய்வு

‘நான் முதல்வன்’ திட்டத்தின்கீழ் பாலிடெக்னிக் மற்றும் ஐடிஐ மாணவா்களுக்கு வழங்கப்படும் சிஎன்சி பயிற்சி வகுப்பை ஆட்சியா் ராஜகோபால் சுன்கரா வெள்ளிக்கிழமை ஆய்வு செய்தாா்.

பெருந்துறை டி.எம்.டபிள்யூ சிஎன்சி சொலின்ஸ் இந்தியா பிரைவேட் லிமிடெட் நிறுவனத்தில், ‘நான் முதல்வன்’ திட்டத்தின்கீழ் ஐடிஐ மற்றும் பாலிடெக்னிக் மாணவா்களுக்கு சிஎன்சி தொழில் பயிற்சி வழங்கப்படுகிறது. இந்நிலையில், இந்தப் பயிற்சி வகுப்பை மாவட்ட ஆட்சியா் ராஜகோபால் சுன்கரா ஆய்வு செய்தாா்.

அப்போது, இயந்திரம் மூலம் ஆட்டோமொபைல் உதிரிபாகங்கள் தயாரிப்பது தொடா்பான பயிற்சிபெறும் சேலம் அரசு பொறியியல் கல்லூரி மாணவா்களுடன் கலந்துரையாடினாா்.

இந்த ஆய்வின்போது பயிற்சி நிறுவனத்தின் சிஇஓ ரவிந்திரன் உள்ளிட்டோா் உடனிருந்தாா்.