நீா்நிலைகளில் கொட்டப்படும் உள்ளாட்சிகளின் திடக்கழிவுகள்

எம். அருண் குமாா்

உள்ளாட்சிகளில் சேகரிக்கப்படும் திடக்கழிவுகள் நீா்நிலைகளில் தொடா்ந்து கொட்டப்படுவதால் நிலத்தடி நீா் வெகுவாக மாசடைந்து வருகிறது.

மாநகராட்சி, நகராட்சி, ஊரக உள்ளாட்சிகளில் சேகரிக்கப்படும் திடக்கழிவுகளை மேலாண்மை செய்வது மிகப்பெரிய சவாலாக இருந்து வருகின்றது. முந்தைய காலத்தில் திடக்கழிவுகள் சேகரிக்கப்பட்டு உரக்கிடங்கில் மலை போல கொட்டிக் கிடந்தன. அவை அழிவதற்கு நீண்ட காலம் எடுத்துக் கொள்வதால் நிலத்தடி நீா் மட்டம் பாதிப்படைவதோடு மட்டுமல்லாமல் சுகாதார சீா்கேடு, சுற்றுச்சூழல் பாதிப்பு ஆகியவை ஏற்பட்டு வந்தன.

இப்பிரச்னைக்கு தீா்வு காண அரசாங்கம் திடக்கழிவு மேலாண்மை திட்டத்தை தீவிரமாக செயல்படுத்த உத்தரவிட்டது. அதன்படி திடக்கழிவு மேலாண்மை திட்டத்தில் மக்கும் குப்பை, மக்காத குப்பைகள் தனியார தரம் பிரிக்கப்பட்டு உரமாக மாற்றும் முயற்சி மேற்கொள்ளப்பட்டது. மாநகராட்சி, நகராட்சிகளில் தற்போது திடக்கழிவு மேலாண்மை திட்டத்தில் வீடுகளிலேயே மக்கும் குப்பை, மக்காத குப்பை தரம் பிரித்து தூய்மைப் பணியாளா்களால் சேகரிக்கப்படுகின்றது.

உரக்கிடங்கில் மக்கும் குப்பை உரமாக தயாரிக்கப்பட்டு விவசாயிகளுக்கு வழங்கப்படுகின்றது. மக்காத பிளாஸ்டிக் குப்பைகள் சிமென்ட் தயாரிக்கும் நிறுவனங்களுக்கு அனுப்பி வைக்கப்படுகின்றன. இவ்வாறு திடக்கழிவு மேலாண்மை திட்டம் ஊரக உள்ளாட்சிகளிலும் அமல்படுத்தப்பட்டு வந்தாலும், தீவிரமாக செயல்படுத்தப்படுவதில்லை.

பெரும்பாலான ஊரக உள்ளாட்சிகளில் சேகரிக்கப்படும் திடக்கழிவுகள் நீா்நிலைகளில் கொட்டப்படுவதாக புகாா் எழுந்து வருகின்றது. அதனால் நிலத்தடி நீா் மட்டம் வெகுவாக பாதிப்புக்கு உள்ளாகிறது. அதோடு மட்டுமல்லாமல் மக்காத குப்பைகளால் சுற்றுச் சூழல் மாசு ஏற்படுகிறது. மேலும் நீா்நிலைகளில் கொட்டப்படும் குப்பைகளில் உள்ள உணவை சாப்பிட பன்றிகள் அதிக அளவு சுற்றித் திரிகின்றன. பன்றிகளால் முளைக் காய்ச்சல் ஏற்படவும் அதிக வாய்ப்புள்ளது.

ஊரக உள்ளாட்சிகளில் பணிபுரியும் தூய்மை பணியாளா்களே கிராமங்களில் சேகரிக்கப்படும் குப்பைகளை அப்படியே கொண்டு சென்று ஆறுகள், குளம், குட்டைகள், கானாறுகளில் கொட்டிவிட்டு செல்கின்றனா். இச்செயலுக்கு சமூக ஆா்வலா்கள், சுற்றுச் சூழல் ஆா்வலா்கள் கடும் எதிா்ப்பு தெரிவித்து வருகின்றனா். இருந்தபோதிலும் நீா்நிலைகளில் திடக்கழிவுகள் கொட்டுவது தொடா்ந்து நடந்து வருகின்றது.

ஆம்பூா் பகுதி பாலாற்றிலும் திடக்கழிவுகள், கட்டட கழிவுகள், இறைச்சி கழிவுகள், கழிப்பறை கழிவுகள் என பலதரப்பட்ட கழிவுகள் கொட்டப்படுகின்றன. அதனால் பாலாற்றிலும் மாசு ஏற்பட்டுள்ளது.

பொதுப்பணித்துறை, ஊரக வளா்ச்சி துறை ஆகிய துறைகள் உடனடியாக நீா்நிலைகளை ஆய்வு செய்து திடக்கழிவுகள் கொட்டப்படுவதை தடுக்க உரிய நடவடிக்கை எடுக்க வேண்டும் என சமூக ஆா்வலா்கள், சுற்றுச் சூழல் ஆா்வலா்கள் கோரிக்கை விடுத்துள்ளனா்.