‘நூல் விலை குறைவை பின்னலாடை உற்பத்தியாளா்கள் பயன்படுத்திக் கொள்ள வேண்டும்’

திருப்பூரில் நூல் விலை குறைந்துள்ளதை உள்நாட்டு பின்னலாடை உற்பத்தியாளா்கள் பயன்படுத்திக் கொள்ள வேண்டும் என்று சைமா சங்கம் வலியுறுத்தியுள்ளது.

இது குறித்து சைமா தலைவா் வைகிங் ஏ.சி.ஈஸ்வரன் வெளியிட்டுள்ள அறிக்கையில் கூறியுள்ளதாவது:

திருப்பூரில் உள்நாட்டு பின்னலாடை வா்த்தகம் ஆண்டுக்கு ரூ.30 ஆயிரம் கோடிக்கு நடைபெறுகிறது. பிராண்டட் ஆடைகளை தயாரித்து சந்தையில் தனி இடத்தை திருப்பூா் உற்பத்தியாளா்கள் தக்கவைத்துள்ளனா். ஏற்றுமதி வா்த்தகத்துடன்

போட்டியிடும் வகையில் உள்நாட்டு ஆடை உற்பத்தி அதிகரித்துள்ளது. கடந்த தீபாவளி பண்டிகையையொட்டி திருப்பூரில் உள்நாட்டு ஆடை உற்பத்தி நன்றாக இருந்தது என்று உற்பத்தியாளா்கள் தெரிவித்தனா். இந்த மாதத்துக்கான பருத்தி நூல் விலை கிலோவுக்கு ரூ.10 குறைத்து நூற்பாலைகள் அறிவித்துள்ளன. இந்த நூல் விலை குறைப்பை உற்பத்தியாளா்கள் வரவேற்றுள்ளனா். பண்டிகை காலம் வருவதால் இந்த நூல் விலை குறைப்பை பயன்படுத்தி ஆடை உற்பத்தியில் ஈடுபட வேண்டும்.

பின்னலாடை, ஆயத்த ஆடைகள் ஏற்றுமதிக்கான வாய்ப்புகள் அதிகமாக வருகிறது. இருப்பினும் உள்நாட்டு ஆடை உற்பத்தியும் அதிக தேவைக்கான வாய்ப்புகளை கொண்டுள்ளது. சைமா சங்க உறுப்பினா்கள் இந்த நல்ல வாய்ப்பை பயன்படுத்தி நிதானமாக, உறுதியான வளா்ச்சியை எட்ட வேண்டும். மத்திய, மாநில அரசுகளின் உதவியை எதிா்பாா்க்காமல் நமது தயாரிப்பு தரத்தில் கவனம் செலுத்த வேண்டும். நோ்மையான வணிகா்களை அடையாளம் கண்டு வணிகத்தை சிறப்பாக செய்ய முயற்சி எடுக்க வேண்டும் என்று தெரிவிக்கப்பட்டுள்ளது.